José María Fernández lamenta que a piques de rematar o mes de xullo aínda non se realizaran as tarefas de roza nas estradas da Deputación en Trabada pese a que a vexetación invade a calzada diminuíndo o espazo para que poidan circular os vehículos
Trabada, 22 de xullo de 2025. A piques de rematar o mes de xullo a Deputación de Lugo aínda ten pendente iniciar os desbroces das estradas provinciais en Trabada, “unha falta total de mantemento que pon en risco a seguridade dos usuarios destas estradas” xa que a vexetación invade a calzada en numerosos puntos.
O deputado provincial e voceiro do PP en Trabada, José María Fernández, insta a PSOE e BNG a iniciar de inmediato estes traballos de roza da vexetación xa que “o que están a demostrar é “unha deficiente xestión que provoca que se poña en risco a todos os usuarios destas estradas xa que a maleza invade a estrada e diminúe o espazo para que os vehículos poidan circular”.
José María Fernández pon como exemplo a estrada provincial LU-P- 6103, que une Trabada e Barreiros pasando por Fornea. Nesta estrada a vexetación cubre por completos os arcenes, invadindo xa a calzada e tapando por completo a maior parte da sinalización vertical.
“Estase a transmitir unha imaxe moi mala, de abandono por parte de PSOE e BNG que ao manter esta situación semella non importarlles que se poña en risco a seguridade no municipio”, lamentou.
Esta situación é moi preocupante entre os veciños de Trabada, un municipio que conta cun importante movemento de maquinaria agrícola, polo que “ao reducirse a visibilidade aumenta notablemente o risco de accidentes”.
Ademais da limpeza é necesario realizar o reasfaltado e repintado das estradas xa que “en moitos puntos non se ven nin os carrís de circulación”, un perigo maior en Trabada xa que é un municipio que ve como moitos días ao ano hai néboa, “o que dificulta aínda máis a visibilidade”.
Durante o encontro, aberto ao público, proxectouse o vídeo promocional da candidatura e compartiuse a documentación presentada, nun acto que reuniu a numerosos colectivos, entidades e veciños comprometidos co dinamismo social e cultural do concello.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
O venres ás 20:30h pregón da Romaxe Viquinga a cargo do historiador e guía turístico oficial Suso Martínez, a continuación desfile polas rúas do Vicedo e cantos de taberna polos establecementos do Vicedo. Finalmente o sábado a 8ª Romaxe Viquinga na praia de San Román, coas actividades centrais habituais (desembarco, desfile, mercado, torneo a cabalo e enterramento) e con moita música tanto celta como tradicional galega con Pelepau, Perkusiona e o espectáculo Queiman Folki para rematar o evento.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
O delegado territorial da Xunta en Lugo, Javier Arias, participou nos actos destacando o apoio do Goberno galego a este evento, declarado de Interese Turístico Galego, "que pon en valor o traballo das xentes do mar e a calidade dun produto recoñecido a nivel internacional". Tamén estivo presente a Deputada de Economía, Recadación, Facenda e Especial de Contas, Carmela López. A Deputación colaborou coa organización desta xornada cunha achega de 3.000 euros. Neste evento, que está declarado de Interese Turístico de Galicia, os asistentes puideron degustar a prezos populares o manxar elaborado de formas diferentes: en empanada, en caldeirada, á galega ou en salsa verde, entre outras.
