Este mércores, a Compañía Píscore recibiu o Premio Público Infantil no nome de Baoabab Teatro por ‘Ás para Álex’
Cariño, 6 de agosto, 2025. Continúa a XLVII edición da Mostra de Teatro Galego de Cariño, que afronta os seus últimos días cunha programación diversa con opcións para todos os públicos. Este ano, a Mostra organizada polo Concello de Cariño contou con varias novidades, unha delas, que a entrega dos Premios do Público da pasada edición pasou a realizarse antes do comezo das funcións das compañías galardoadas.
Así, o pasado martes, 5 de agosto, o Grupo Chévere recibiu o Premio Público Adulto 2024 pola súa obra ‘As Fillas Bravas e o mito de Casandra’, que conquistou ao público cariñés cunha puntuación de 688 puntos. A entrega tivo lugar antes da súa actuación na presente edición, onde presentaron a obra ‘As fillas bravas de Momán 2025’ no Auditorio Municipal.
E hoxe, mércores 6 de agosto, fíxose entrega do Premio Público Infantil 2024, que nesta ocasión recaeu en Baobab Teatro pola súa proposta ‘Ás para Álex’, con 413 puntos. A compañía xa non se atopa en activo, polo que o galardón foi recollido no seu lugar pola Compañía Píscore. A compañía, que representou esta mañá a súa obra ‘Molto Barroco’, pertence á mesma produtora (Culturactiva Producións).
A Mostra continúa ata o sábado 9 de agosto
Aínda quedan varias xornadas de teatro no Concello de Cariño, xa que a Mostra continuará ata o próximo sábado, 9 de agosto. Haberá dous espectáculos por día no Auditorio Municipal, agás na xornada do sábado, que volverase á Praza da Pulida.
O xoves 7 de agosto será a quenda de Náufragos Teatro con ‘Bule Bule’ (12:00 horas) e de Culturactiva Producións con ‘Nada se sabe’ (22:00 horas). O venres 8 representaranse as obras ‘Crisálida’ de Caramuxo Teatro (12:00 horas) e ‘Arte sen guión’ da Compañía Galeatro (22:00 horas). E xa para rematar, a xornada do sábado 9 de agosto despedirase a XLVII edición da Mostra de Teatro Galego de Cariño cos espectáculos de circo ‘Oh Pera!’, de Zirko Txosko (12:30 horas), e ‘Rogelio III. La Fête’, da Agrupación Assircopatas (21:00 horas). Estes dous últimos espectáculos serán na Praza da Pulida con entrada de balde.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
