As Escolas Deportivas do Burela FS comezan os adestramentos contando con máis de 160 xogadores/as de todas as categorías, nas modalidades feminina e masculina
Burela, 22 de agosto, 2025. As Xoias Laranxas completan hoxe a súa primeira semana de traballo con 7 dos 16 equipos que comporán a ED Burela FS 2025-26. Infantís, cadetes e xuvenís, tanto masculinos coma femininos, comezaron os adestramentos o luns pasado, con diferentes compromisos no seu horizonte máis recente antes da liga.
O Torneo Nacional Ciudad de Valladolid (30 e 31 de agosto) será o destino para a sección masculina, coa participación dos xuvenís de Miguel Rodríguez e os cadetes de Javier Pardeiro.
Na sección feminina, poranse a proba o xuvenil de Mario Pillado, o cadete de Míchel Couceiro e o infantil de Miguel Rodríguez; será o 13 e 14 de setembro no Torneo Muslera de Cantabria.
Filial Feminino
O filial feminino, de Mario Pillado, tamén estreou a súa preparación canda o resto das Xoias Laranxas. O cadro, que combinará a experiencia de xogadoras de tempadas anteriores cunha nutrida representación de xuvenís, afrontará o reto de 2025-26 en Primeira Futgal.
O día 7 de setembro disputarán os cuartos de final da VI Copa Deputación ante A Lenda Castroverde FS nun partido único para pasar a semifinais.
Matrícula aberta para a ED Burela FS
Con máis de 160 alumnos/as xa, a escola laranxa aínda mantén aberto o prazo de inscrición para o novo curso, entre as categorías Biberón e Xuvenil.
Se aínda non formalizaches a túa matrícula, podes consultar toda a información AQUÍ (categorías, trámites, indumentaria…).
Ás 19.57 horas deste mércores deuse por extinguido o incendio forestal do concello lucense da Fonsagrada, parroquia de Monteseiro, que se iniciou ás 15.30 horas do martes día 5 e que finalmente afectou unha superficie de 142,5 hectáreas, das cales 50 corresponden a arborado e 92,5 a raso. Para a súa extinción mobilizáronse, de xeito acumulado, 6 técnicos, 82 axentes, 107 brigadas, 111 motobombas, 3 pas, 8 helicópteros e 8 avións.
Este mércores celebrouse na Casa da Cultura a proxección e coloquio e entrega de premios do Concurso de fotografía turística do Vicedo, que alcanza xa a súa 8ª edición. Uns 25 participantes presentaron máis de 60 fotografías de todo tipo destacando pola súa grande calidade mostrando estampas tanto da costa como do interior do noso municipio. O coloquio-proxección foi moi animado e os propios fotógrafos participantes puideron expresar as súas intencións e anécdotas en torno ás fotografías presentadas. Os premiados foron: 1º premio (300€) Mónica Vila con "San Román". 2º premio (200 €) Alejandro Martínez con "Maravillas del Amanecer". 3º premio (100 €) Sarai Fernández con "O faro de Vicedo Vello". Premio especial a menores de 30 anos (50 €) Laura García con "O Vicedo. Silencio que acolle"
Terá lugar as 12:00h no Estadio Municipal Pepe Barrera de Ribadeo. Os precios das entradas serán de 10€ (Maiores de 15 anos); e de 5€ (nenos/as entre 8 e 15 anos); mentres que os menores de 8 anos terán acceso gratuito. Poderán adquirirse nas taquillas do Campo o mesmo dia do partido.
A cita é este sábado, 23 de agosto, ás 20 horas na Casa da Cultura que leva o seu nome. Haberá lecturas dramatizadas e as actuacións musicais de: Miro Casabella, Ugía Pedreira e Mano Panforreteiro.
Unha selección de obras cheas de cor, creatividade e expresividade de Xosé López Losada "Xolo". Unha viaxe artística a través de máis de 70 cadros, onde cada peza conta a súa propia historia. Poderá visitarse ata o 30 de setembro.
Posteriormente, tivo lugar o xantar anual habitual, propio da xornada asamblearia no restaurante Náutico de Ribadeo. Como xa é tradicional na asociación, "o noso propósito radica no fomento e práctica das xuntanzas gatronómicas polos locais de restauración da bisbarra entre os nosos asociados, favorecendo o consumo dos productos locais ou do país e a cociña tradicional na elaboración e degustación dos mesmos; así mesmo levar o bo nome do Valadouro por tódolos lugares polos que imos, como vimos facendo dende a nosa fundación, aló polo ano 1992".
Os actos contaron coa participación do director xeral da Axencia de Turismo de Galicia, Xosé Manuel Merelles, que pasou polo Concello, onde asinou no libro de honra. O alcalde, Dani Vega, concelleiras e concelleiros así como representantes de institucións e colectivos sociais (Aduanas, Acisa, Real Club Náutico de Ribadeo, Xuíz de Paz suplente, xefe da Policía Local) participaron nesta xornada de celebración que continuará pola tarde e pola noite con diversas propostas musicais.
