O Presidente, José Tomé Roca, e o Alcalde, Rubén García Freije, asinaron no Pazo de San Marcos un convenio polo que a institución provincial colabora co Concello mariñán para acometer diferentes investimentos en servizos sociais ou mobilidade
Lugo, 21 de agosto de 2025. O Presidente da Deputación de Lugo, José Tomé Roca, e o Alcalde de Trabada, Rubén García Freije, veñen de asinar no Pazo de San Marcos un convenio de colaboración polo que a institución provincial achegará 250.000€ ao Concello para acometer diferentes investimentos relacionados cos servizos sociais ou a mellora da mobilidade.
Trabada poderá levar a cabo, con cargo a este orzamento, a mellora de dous centros sociais e a urbanización e os accesos doutro que dan servizo de xeito conxunto a case 200 veciños a veciñas. No de Vilaformán as obras que consistirán na mellora da envolvente coa reparación de fendas, impermeabilización da cornixa e reforzo do revestimento cunha capa seladora e pintura plástica; ademais instalaranse canlóns e baixantes. No de Vilapena os traballos consistirán na demolición parcial do edificio, ampliación da explanada, renovación do peche, da envolvente e do revestimento interior. E no da parroquia da Fórnea a actuación centrarase na ampliación da explanada ao redor do centro social para aproveitar o espazo existente nas datas de festa e reunións veciñais.
Renovará ademais o parque infantil desa parroquia da Fórnea. O Concello financiará grazas a este investimento da Deputación uns traballos que consistirán no desbroce e limpeza do terreo e renovación dos xogos e do caucho do terreo.
Este convenio recolle tamén dúas actuacións para mellorar diferentes accesos en Sante, nos lugares de Louro e Vilarbetote. No primeiro, rehabilitarase o firme en máis de medio quilómetro de vía e no segundo acondicionaranse un total de dous camiños e catro ramais que suman un total de 1,4 quilómetros.
Ás 19.57 horas deste mércores deuse por extinguido o incendio forestal do concello lucense da Fonsagrada, parroquia de Monteseiro, que se iniciou ás 15.30 horas do martes día 5 e que finalmente afectou unha superficie de 142,5 hectáreas, das cales 50 corresponden a arborado e 92,5 a raso. Para a súa extinción mobilizáronse, de xeito acumulado, 6 técnicos, 82 axentes, 107 brigadas, 111 motobombas, 3 pas, 8 helicópteros e 8 avións.
Este mércores celebrouse na Casa da Cultura a proxección e coloquio e entrega de premios do Concurso de fotografía turística do Vicedo, que alcanza xa a súa 8ª edición. Uns 25 participantes presentaron máis de 60 fotografías de todo tipo destacando pola súa grande calidade mostrando estampas tanto da costa como do interior do noso municipio. O coloquio-proxección foi moi animado e os propios fotógrafos participantes puideron expresar as súas intencións e anécdotas en torno ás fotografías presentadas. Os premiados foron: 1º premio (300€) Mónica Vila con "San Román". 2º premio (200 €) Alejandro Martínez con "Maravillas del Amanecer". 3º premio (100 €) Sarai Fernández con "O faro de Vicedo Vello". Premio especial a menores de 30 anos (50 €) Laura García con "O Vicedo. Silencio que acolle"
Terá lugar as 12:00h no Estadio Municipal Pepe Barrera de Ribadeo. Os precios das entradas serán de 10€ (Maiores de 15 anos); e de 5€ (nenos/as entre 8 e 15 anos); mentres que os menores de 8 anos terán acceso gratuito. Poderán adquirirse nas taquillas do Campo o mesmo dia do partido.
A cita é este sábado, 23 de agosto, ás 20 horas na Casa da Cultura que leva o seu nome. Haberá lecturas dramatizadas e as actuacións musicais de: Miro Casabella, Ugía Pedreira e Mano Panforreteiro.
Unha selección de obras cheas de cor, creatividade e expresividade de Xosé López Losada "Xolo". Unha viaxe artística a través de máis de 70 cadros, onde cada peza conta a súa propia historia. Poderá visitarse ata o 30 de setembro.
Sufriu queimaduras e precisou asistencia sanitaria. No interior das instalacións hai herba seca acumulada, así como un vehículo agrícola, e nestes momentos os medios traballan para atallar as lapas. Foi un particular quen alertou ao 112 Galicia dos feitos, minutos antes das 13 horas deste luns: vía moito fume no lugar de Cordeiro, na parroquia de Álvare. De inmediato, os xestores do Centro Integrado de Atención ás Emerxencias solicitaron a acción de Urxencias Sanitarias de Galicia-061, dos Bombeiros de Vilalba, do GES da Pontenova e dos axentes da Garda Civil. Neste intre, os servizos de emerxencias confirmaron que só ardían estas instalacións e traballan para apagar o lume.
Os actos contaron coa participación do director xeral da Axencia de Turismo de Galicia, Xosé Manuel Merelles, que pasou polo Concello, onde asinou no libro de honra. O alcalde, Dani Vega, concelleiras e concelleiros así como representantes de institucións e colectivos sociais (Aduanas, Acisa, Real Club Náutico de Ribadeo, Xuíz de Paz suplente, xefe da Policía Local) participaron nesta xornada de celebración que continuará pola tarde e pola noite con diversas propostas musicais.
