“Xa o ano pasado intentamos que o goberno local dera explicacións sobre as festas patronais do 2024, pero a concelleira presentou de viva voz unhas contas que se afastaban moito da realidade e que nunca chegou a facer públicas”, explican
Burela, 6 de agosto de 2025. O Grupo Municipal Popular defenderá no pleno municipio de Burela deste xoves unha iniciativa encamiñada a “dotar de maior transparencia ao Concello de Burela” en relación “ás contas dos gastos das festas patronais de Burela deste ano 2025. O que pretendemos é que se fagan públicas”, explica o portavoz.
Os populares reivindican maior transparencia á vista de que, “por desgracia, está ausente neste mandato, xa que aínda temos pendente a actualización do portal de transparencia do Concello de Burela, algo que é obrigatorio por lei e que a alcaldesa aínda non levou a cabo”.
“Xa o ano pasado intentamos que o goberno local dera explicacións sobre as contas das festas patronais do 2024, pero a través dunha pregunta en sede plenaria. Nese momento, a concelleira de Economía e Facenda o que nos presentou foron unhas contas de viva voz, contas que nunca foron publicadas a pesar da nosa insistencia e que eran unhas contas que se afastaban moito da realidade. Non só iso senón que o sumatorio dos gastos alí expostos non coincidía nin de lonxe coas cifras que alí publicamente anunciara o Concello de Burela”, expoñen dende a agrupación local do Partido Popular.
Os populares piden o apoio dos grupos da corporación para “que se publique unha relación de ingresos e aportacións económicas recibidas tanto polo propio Concello como por outras administracións, así como os patrocinadores privados, unha relación de gastos efectuada e desglosada por conceptos, é dicir, forma de actuacións, infraestruturas, publicidade, etc. en caso de que exista copia dos contratos, convenios, acordos firmados en relación a este evento e a indicación das partidas presupostarias municipais que foron utilizadas para o financiamento das festas patronais. Algo lóxico”, inciden.
A proposta dos populares recolle tamén a petición para facer pública esta información na web do Concello, que sexa publicado para que todos os veciños e veciñas de Burela saiban en que se gastan os cartos do Concello, algo que nos parece o máis razoable e algo moi san nun estado democrático”, segundo sosteñen.
“Esperemos que nesta ocasión os grupos políticos todos eles, incluídos os do goberno, apoien esta moción e que se afastan un pouco do escurantismo que están a ter todo este mandato intentando ocultar información constantemente á veciñanza da nosa vila”, conclúen.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
