Reclaman unha brigada permanente, a adhesión ao plan de biomasa e un programa anual de desbroces como medidas urxentes e estruturais
Abadín, 19 de agosto de 2025. O Grupo Municipal Socialista de Abadín, a través do seu Voceiro Pablo Díaz, denuncia a grave situación na que se atopa o concello en plena vaga de incendios, como consecuencia directa da falta absoluta de previsión e planificación do equipo de goberno do Partido Popular.
Segundo explican os socialistas, a cuadrilla contra incendios aprobouse a mediados do mes de agosto, cando a temporada de maior risco xa estaba avanzada, e apenas tres días despois quedou totalmente inoperativa pola renuncia de dous dos seus integrantes. Isto, alertan, implica que Abadín afronta o verán e o mes máis crítico do ano sen brigada municipal de prevención, vixilancia e extinción de lumes, deixando á veciñanza e ao territorio desprotexidos nun momento de máxima vulnerabilidade.
Pablo Díaz sinala que “o que estamos a vivir é unha mostra evidente da incapacidade do goberno municipal para xestionar un problema tan grave como os incendios forestais. Non é culpa das persoas que renuncian, senón dunha forma de gobernar marcada pola improvisación, a falta de estrutura e a nula previsión. Non se pode constituír unha cuadrilla en agosto, cando xa levamos semanas con lumes en todo o país. Isto é actuar tarde, mal e arrastro”.
Precariedade laboral
Os socialistas consideran que a elevada temporalidade dos contratos das brigadas forestais fai moi difícil atopar e consolidar persoal, xa que se trata de empregos de escasa duración e alta esixencia física. Esta situación, unida á tardanza en convocar as prazas, explica en boa medida a falta de efectivos para cubrir os postos.
Neste sentido, Pablo Díaz insiste en que “o Concello non pode limitarse a improvisar unha brigada cada verán. É preciso apostar por unha brigada estable, de carácter permanente, que traballe todo o ano desbrozando, mantemento e limpeza do monte, especialmente nas pistas e camiños das aldeas onde non chega o tractor. O primeiro paso para evitar un incendio é ter o monte limpo, e iso só se consegue cunha planificación seria ao longo dos doce meses do ano”.
Outro aspecto que preocupa ao PSdeG-PSOE é que Abadín continúa a ser un dos poucos concellos da comarca e mesmo de Galicia que non está adherido ao plan de xestión das franxas secundarias de biomasa, un instrumento legal que obriga a desbrozar e manter limpas determinadas áreas de especial risco para protexer as vivendas e os núcleos de poboación.
“Cospeito, Mondoñedo, A Pastoriza, Vilalba ou mesmo concellos máis pequenos xa forman parte deste plan. Abadín, en cambio, segue á marxe, sen cumprir cunha medida esencial para a prevención dos incendios”, denuncia Díaz.
Bloqueo político no Pleno
A falta de compromiso do Partido Popular quedou tamén de manifesto no último pleno extraordinario, solicitado polo grupo socialista, para tratar o desbroce das pistas e camiños municipais. Neste pleno, o PP votou en contra da proposta socialista, rexeitando unha iniciativa que buscaba mellorar a seguridade da veciñanza e reducir o risco de lumes.
“Un goberno serio non pode votar en contra do desbroce cando todos sabemos que é a mellor ferramenta para frear a propagación do lume. Iso demostra que para o PP de Abadín a prevención dos incendios non é unha prioridade”, recalca o Voceiro socialista.
Esixencia de responsabilidades e compromiso real
O PSdeG-PSOE de Abadín considera que a actual situación “roza o desastre” e evidencia que o concello está gobernado dende a improvisación e a falta de proxecto. Os socialistas reclaman responsabilidade política e institucional, e insisten en que o executivo local debe asumir que non se pode volver repetir un verán con tanto lume e tan poucos medios dispoñibles.
“Esiximos ao goberno do PP que deixe de actuar tarde e mal, e que dunha vez por todas poña en marcha unha política de prevención seria, planificada e estable. Non se pode xogar coa seguridade da veciñanza nin co futuro do noso monte”, conclúe Pablo Díaz.
A cita é este sábado, 23 de agosto, ás 20 horas na Casa da Cultura que leva o seu nome. Haberá lecturas dramatizadas e as actuacións musicais de: Miro Casabella, Ugía Pedreira e Mano Panforreteiro.
Unha selección de obras cheas de cor, creatividade e expresividade de Xosé López Losada "Xolo". Unha viaxe artística a través de máis de 70 cadros, onde cada peza conta a súa propia historia. Poderá visitarse ata o 30 de setembro.
Sufriu queimaduras e precisou asistencia sanitaria. No interior das instalacións hai herba seca acumulada, así como un vehículo agrícola, e nestes momentos os medios traballan para atallar as lapas. Foi un particular quen alertou ao 112 Galicia dos feitos, minutos antes das 13 horas deste luns: vía moito fume no lugar de Cordeiro, na parroquia de Álvare. De inmediato, os xestores do Centro Integrado de Atención ás Emerxencias solicitaron a acción de Urxencias Sanitarias de Galicia-061, dos Bombeiros de Vilalba, do GES da Pontenova e dos axentes da Garda Civil. Neste intre, os servizos de emerxencias confirmaron que só ardían estas instalacións e traballan para apagar o lume.
Os actos contaron coa participación do director xeral da Axencia de Turismo de Galicia, Xosé Manuel Merelles, que pasou polo Concello, onde asinou no libro de honra. O alcalde, Dani Vega, concelleiras e concelleiros así como representantes de institucións e colectivos sociais (Aduanas, Acisa, Real Club Náutico de Ribadeo, Xuíz de Paz suplente, xefe da Policía Local) participaron nesta xornada de celebración que continuará pola tarde e pola noite con diversas propostas musicais.
Houbo intervencións do crítico literario Ángel Basanta e dos escritores Francisco Álvarez Koki e Xosé Manuel Malheiro, que glosaron a súa traxectoria como ensinante e renovador pedagóxico desde o Seminario de Mondoñedo ata as universidades neoiorquinas onde fundou o programa cultura e educativo Solidaridad Humana para formar emigrantes. A homenaxe, que contou coa presenza da familia, completarase coa inauguración da rúa Dino Pacio Lindín, unha das vias laterais á Praza e a Casa do Concello, un recoñecemento impulsado pola comunidade de montes Coto das Louseiras de Xemil. A área de Cultura colaborou na edición, en 2021, do libro "Dino Pacio Lindín, o guía dunha vangarda cultural", coordinado por Manuel Rivas García, con textos de antigos alumnos e amizades do sociólogo pastoricense.
Posteriormente, tivo lugar o xantar anual habitual, propio da xornada asamblearia no restaurante Náutico de Ribadeo. Como xa é tradicional na asociación, "o noso propósito radica no fomento e práctica das xuntanzas gatronómicas polos locais de restauración da bisbarra entre os nosos asociados, favorecendo o consumo dos productos locais ou do país e a cociña tradicional na elaboración e degustación dos mesmos; así mesmo levar o bo nome do Valadouro por tódolos lugares polos que imos, como vimos facendo dende a nosa fundación, aló polo ano 1992".
Ducias de persoas gozaron das versións dos 70, dos 80 e dos 90 ofrecidas por este quinteto chegado de Boiro. E tamén iniciou a súa andaina a ruleta da sorte de Acisa. Moitos foron os afortunados que marcharon para a casa con camisetas, mochilas, bolsas, paraugas, tazas ou botellas. O vindeiro Xoves Aberto será o 21 de agosto. Esta nova campaña de Acisa Ribadeo inclúe Mercados de Rúa, actividades multiaventura e o sorteo dunhas vacacións a Gran Canaria, que terá lugar o 31 de agosto no Cantón dos Moreno a partir das 21:00 horas.
