Así o sinalou o voceiro popular durante a visita da conselleira de Medio Ambiente e Cambio Climático ás obras da nova EDAR, que conta cun investimento superior aos 12 millóns de euros
Foz, 29 de outubro de 2025. O Partido Popular de Foz acompañou hoxe á conselleira de Medio Ambiente e Cambio Climático na visita ás obras da nova estación depuradora de augas residuais (EDAR) que a Xunta de Galicia está a construír no municipio.
O portavoz popular, Javier Castiñeira, subliñou o compromiso total do PP de Foz con esta infraestrutura, esencial para o presente e futuro da vila. “A xestión do PP de Foz coa nova depuradora é o mellor exemplo de boa xestión municipal, xunto co PXOM, dos últimos anos. Dende o primeiro día que chegamos ao goberno municipal traballamos para facer realidade esta obra, que era unha demanda unánime dos veciños e dos colectivos locais”, destacou Castiñeira.
O líder popular lembrou que xa en 2016, durante o seu mandato como alcalde, se asinou o convenio de financiamento coa Xunta de Galicia, logo de acordar coa agrupación independente Foz Plataforma de Futuro a ubicación definitiva da infraestrutura, situada no lugar onde hoxe se executan os traballos.
Castiñeira destacou que, ante o mal funcionamento da antiga depuradora, o Partido Popular cumpriu co compromiso adquirido coa veciñanza, tanto no goberno como na oposición. “Conseguimos que Foz vaia a dispoñer dunha infraestrutura moderna e eficiente, sen custo algún para os focenses, o que supón un éxito rotundo das xestións realizada”, afirmou o voceiro popular.
O PP de Foz confía que a obra poida rematarse nos próximos meses e que a nova depuradora entre en funcionamento canto antes, mellorando o saneamento e a calidade ambiental no municipio.
Finalmente, Castiñeira agradeceu á Xunta de Galicia o seu compromiso absoluto con Foz e con esta actuación, que supón un investimento superior aos 12 millóns de euros.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
