O anuncio publicarase mañá no taboleiro municipal e o proxecto poderá consultarse durante vinte días hábiles
Viveiro, 29 de outubro de 2025. O Concello de Viveiro publicará mañá no taboleiro municipal o anuncio para iniciar o trámite de exposición pública do proxecto «Eliminación de especies exóticas, restauración con autóctonas e restauración ambiental do sistema dunar da praia de Covas», promovido polo Ministerio para a Transición Ecolóxica e o Reto Demográfico, a través do Servizo Provincial de Costas en Lugo.
O proxecto ten como obxectivo mellorar o estado ecolóxico do areal mediante actuacións de recuperación integral do sistema natural. As medidas inclúen a eliminación de especies invasoras, a plantación de especies autóctonas e varias accións de restauración ambiental para reforzar a estabilidade das dunas e a recuperación do ecosistema da praia de Covas. O documento estará dispoñible para consulta durante un prazo de vinte días hábiles contados dende o seguinte á súa publicación no Boletín Oficial do Estado, que se produciu hoxe.
Dende o anuncio publicado no Boletín Oficial do Estado inclúese unha ligazón á páxina web do Ministerio para a Transición Ecolóxica e o Reto Demográfico —https://www.miteco.gob.es/es/costas/participacion-publica/27-pro-27-0413.html—. Nel pódese consultar o proxecto completo, que conta cun orzamento base de licitación de 1.655.116,93 euros.
Durante o período de exposición pública, a documentación poderá consultarse nas dependencias do Concello de Viveiro, así como nas oficinas do Servizo Provincial de Costas en Lugo e Foz, ou a través da citada páxina web. Calquera persoa ou entidade poderá presentar as alegacións que considere oportunas dentro do prazo establecido.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
