Burela, 15 de outubro, 2025. A Organización de Produtores Pesqueiros do Porto de Burela e a Asociación Amigos do Camiño do Mar Peregrinación a Santiago de Compostela presentaron unha nova edición do “Camiño Gastronómico do Mar”, unha iniciativa gastronómica que mantén o dobre obxectivo co que se lanzou hai xa seis anos: fomentar o consumo de peixe e promocionar o “Camiño do Mar”.
O acto tivo lugar no Salón de Actos de Armadores de Burela e estivo presidido pola conselleira de Mar da Xunta de Galicia, Marta Villaverde, coa representación de varios dos concellos polos que discorre a acción, como Foz, Burela, Xove, Ortigueira ou Mañón; entidades relacionadas co mar, como a Fundación Expomar, o Galp A Mariña Ortegal e representantes das frotas do porto de Burela e outras asociacións pesqueiras do norte de Galicia.
No acto tamén estivo presente a Asociación Cociñeiros Lugo, cuxos chefs se encargan das degustacións ao final de cada etapa, e varios membros da asociación Amigos do Camiño do Mar, que participan nos roteiros semanais cada ano.
Esta acción está cofinanciada por Xunta de Galicia e FEMPA, incluída no plan de produción e comercialización anual da OPP-7 Porto de Burela co obxectivo de contribuír á trazabilidade dos produtos da pesca e ao acceso dos consumidores a información clara e completa.
Durante sete fins de semana, do 19 de outubro ao 30 de novembro, os participantes no “Camiño Gastronómico do Mar” calzarán as súas botas para percorrer cada domingo unha etapa especial da ruta xacobea, que cruzará as comarcas da Mariña Lucense e Ferrolterra-Rías Altas pisando os quince concellos da costa norte de Galicia polos que pasa o Camiño do Mar, desde Ribadeo ata Neda, visitando cada domingo dous deles. En total serán sete etapas de aproximadamente 15 km cada unha.
Como cada ano, as inscricións deben realizarse ata o xoves de cada semana ou ata completar a cota de participantes, na páxina web www.caminogastronomicodelmar2025.com, que se desenvolveu este ano coa axuda do Galp A Mariña – Ortegal dentro das axudas do FEMPA.
O vindeiro domingo 19 de outubro celébrase a primeira das xornadas, que partirá de Ribadeo e tamén visitará o concello de Barreiros, e para a que xa se completaron as 50 prazas dispoñibles.
Seguirán as etapas de Foz-Burela o seguinte domingo día 26, Cervo-Xove o 2 de novembro, Viveiro-O Vicedo o domingo 9 de novembro, Mañón-Ortigueira o 16 de novembro, Cariño-Cedeira o domingo 23 e finalmente unha tripla etapa final, o domingo 30 de novembro, que percorrerá os concellos de Valdoviño, Narón e Neda.
O xerente da OPP Burela, Sergio López, presentou esta nova edición facendo un balance das cinco edicións anteriores e explicando que se mantén o mesmo formato dos dous últimos anos: un roteiro de andainas gastronómicas que serven para seguir promocionando o consumo de peixe como base dunha vida saudable e poñendo en valor a variedade e riqueza das diferentes especies pesqueiras de “Peixe de Burela”.
O presidente da Asociación Amigos Camiño do Mar Peregrinación a Santiago de Compostela, Manuel Vicente, puxo en valor que o “Camiño do Mar” é xa unha realidade como Camiño de Santiago, que este ano superará de novo as 200 credenciais, recibindo a peregrinos de ata 26 nacionalidades diferentes, polo que insistiu en concienciar a alcaldes e concellos sobre a importancia turística que ten para o norte de Galicia.
Ademais, esta campaña do “Camiño Gastronómico do Mar” está a axudar a que os propios veciños descubran recunchos do seu territorio cheos de historia polos que nunca antes camiñaran.
Finalmente, a conselleira de Mar da Xunta de Galicia, Marta Villaverde, destacou a importancia da celebración de iniciativas deste tipo que apostan pola dinamización das vilas costeiras, a través do consumo de peixe e marisco e do turismo vinculado á actividade marítimo-pesqueira.
A conselleira felicitou ao porto de Burela por este tipo de accións que poñen en valor a “cultura do mar”, axuntando á promoción do Camiño de Santiago, a gastronomía local e o “Peixe de Burela”, exaltando á vez hábitos de vida saudable. Uns ingredientes que sen dúbida forman parte da “Galicia que sabe amar”.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
A iniciativa forma parte do Plan de Sostibilidade Turística en Destino Xacobeo 2021, financiado con fondos europeos Next Generation. No acto proxectouse o tráiler e un capítulo completo. Tras a estrea, os contidos difundiranse nas redes sociais e no YouTube municipal, e no verán organizarase un novo evento para ver a serie íntegra.
