Esta iniciativa contempla a execución dun cento de accións destinadas á posta en valor do legado patrimonial e cultural vinculado ao litoral galego
Santiago de Compostela, 5 de febreiro do 2026. A Consellería do Mar e a Universidade da Coruña seguen avanzando no desenvolvemento do Plan de Cultura Marítima de Galicia 2030 (Pcuma), que contempla a execución dun cento de accións destinadas á posta en valor do legado patrimonial e cultural vinculado aos oficios do mar. A responsable autonómica, Marta Villaverde, e o director do plan, Óscar Fuertes, mantiveron este xoves unha reunión de seguimento na que compartiron o avance dos traballos. Precisamente, no mes de decembro o Consello da Xunta aprobaba a addenda ao convenio asinado en 2021 coa UDC para o desenvolvemento deste Plan e a súa extensión ás illas galegas, o que eleva o investimento da Xunta ata os 314.844 euros.
Entre os traballos que se está a realizar, un dos mais relevantes é o censo do patrimonio marítimo inmoble coas testemuñas do patrimonio construído en relación aos oficios do mar existentes ao longo de toda a costa galega. Esta recompilación será presentada a finais de ano. A este respecto Villaverde puxo en valor a ampla variedade de bens inmobles e tamén de patrimonio inmaterial existentes en Galicia vinculados ao mar “é unha tarefa que debe implicar ao conxunto da sociedade, unha riqueza patrimonial, que tamén xoga un papel moi relevante na diversificación e dinamización económica das comunidades costeiras”.
Gracias á addenda firmada en decembro, o censo ampliarase aos elementos existentes nas illas Cíes, Ons, de Tambo, de San Simón, Cortegada, Lobeiras, Sisargas, de Sálvora e de Rúa.
Por outra banda, tamén se revisou os avances dos traballos para a posta en marcha dun xeoPortal para integrar, organizar e visualizar información xeográfica e patrimonial relativa ao litoral galego. Unha plataforma que permitirá non só visualizar os elementos inmobles do Censo, senón que tamén permitirá realizar un percorrido virtual polas Áreas Nai, é dicir, polo espazos marítimos nos que o pasado industrial está en completa sintonía coa contorna e que manteñen a identidade e memoria do que foron no seu día.
Estas actuacións son parte dos principais horizontes de traballo que recolle o Pcuma do que a Consellería do Mar é a principal entidade impulsora. Desde o 2023 o desenvolvemento do mesmo incluíu tamén diversas iniciativas divulgativas como a presentación á cidadanía do seu contido, a través de recursos off line, mesas redondas, a edición dun libro impreso e on line, a creación dunha páxina web e a súa proxección nas redes sociais.
Ferramenta pioneira
Presentado pola Consellería do Mar a finais do ano 2023, o PCUMA configúrase como unha base sólida para traballar na misión de conservación da cultura marítima da comunidade, situándose así como unha ferramenta pioneira e innovadora da que non hai precedentes noutros territorios.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
