As actuacións inclúen a instalación dunha báscula, a mellora do peche perimetral e un sistema de videovixilancia
Burela, 6 de febreiro de 2026. O Concello de Burela está a realizar unha serie de actuacións de mellora no punto limpo municipal, co obxectivo de reforzar o control da entrada e saída de residuos, optimizar a xestión dos distintos fluxos e mellorar a seguridade das instalacións.
No marco do seguimento destas actuacións, a alcaldesa de Burela, Carmela López, o concelleiro de Obras, Ramiro Fernández e o director da obra realizaron unha visita ao punto limpo para comprobar o avance dos traballos.
Segundo recolle o proxecto, as actuacións encádranse nas melloras das instalacións municipais destinadas á recollida separada de residuos, co fin de favorecer a reciclaxe ou outras formas de valorización e reducir a cantidade de residuos destinados á eliminación.
Entre as actuacións previstas atópase a instalación dunha báscula para a pesada de entradas e saídas de residuos, destinada ao control dos vehículos que acceden ao punto limpo. Tamén se contemplan melloras no control de acceso á zona de almacenamento, que inclúen a mellora do peche perimetral do recinto e a instalación dun sistema de videovixilancia, composto por catro cámaras, co obxectivo de incrementar a seguridade.
O concelleiro de Obras, Ramiro Fernández, explicou que estas actuacións responden a unha necesidade detectada no punto limpo: “Eran unhas melloras necesarias que permiten ter máis control sobre o punto limpo e sobre o que alí chega”. En relación coa báscula, sinalou que “vai permitir ter un control perfecto da cantidade de residuos que se xestionan, algo do que ata agora non se dispoñía”.
Respecto ás actuacións de seguridade, Fernández indicou que “o recinto sufría actos de vandalismo e roubos”, polo que se está a instalar “un peche perimetral máis consistente, con valado de paneis de malla electrosoldada”, así como un sistema de videovixilancia para “intentar evitar que estes feitos se sigan producindo”.
O concelleiro engadiu que estas situacións tamén derivaban “nun mal uso do punto limpo e nunha mala xestión dos residuos, xa que en ocasións chegaban a deixarse residuos na propia entrada”. Segundo indicou, “con estas actuacións preténdese paliar estes comportamentos incívicos detectados nos últimos anos”.
O orzamento da obra ascende a 68.748,21 euros e, segundo indicou o concelleiro, “os traballos atópanse practicamente rematados”. Fernández destacou que estas actuacións “amosan o compromiso do Concello coa xestión de residuos e co bo funcionamento do punto limpo como exemplo de xestión municipal”.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
