O senador do PP de Lugo responde con contundencia ás declaracións realizadas polo socialista César Mogo, ás que cualificou de “confusas, pouco rigorosas e profundamente afastadas da realidade”
Lugo, 5 de febreiro de 2026. O senador do PP de Lugo, José Manuel Balseiro, respondeu con contundencia ás declaracións realizadas polo socialista César Mogo, ás que cualificou de “confusas, pouco rigorosas e profundamente afastadas da realidade” en relación ás obras da casa cuartel do Valadouro.
Balseiro lembrou que foi o propio Goberno de España quen, en resposta a dúas preguntas formuladas polo Partido Popular, falou dun investimento de 190.000€ no proxecto da casa cuartel do Valadouro. “Se agora se di outra cousa, quen está a mentir non é o PP, senón o Goberno de Pedro Sánchez”, afirmou.
“O único engano aquí é o do Goberno central do PSOE. Resulta evidente que o señor Mogo nin sequera se fala cos seus propios compañeiros de Executivo”, engadiu, ao tempo que destacou que o PP recolleu na súa moción exactamente a cifra trasladada oficialmente polo Goberno. “Nós non inventamos nada, limitámonos a reproducir o que o Goberno nos respondeu por escrito”.
Balseiro foi claro ao sinalar que o Partido Popular defende que se leven a cabo todas as obras necesarias na casa cuartel. “Se fan falta 540.000€, serán necesarios 540.000€. Oxalá sexa así. Pero o que non imos aceptar é que o señor Mogo trate de confundir á cidadanía con política barriobajera e cun discurso propio de quen se entera de pouco”, afirmou.
O senador popular convida a Mogo “a pisar máis o terreo” para coñecer as necesidades reais dos municipios e, sobre todo, “a dicir a verdade”. Neste sentido, lembrou que o PP acreditou documentalmente que as súas afirmacións son certas e están baseadas en respostas oficiais do Goberno.
“Se o Goberno fixera o que ten que facer, non teriamos necesidade de presentar ningunha moción”, explicou Balseiro.
As respostas oficiais dadas polo Goberno foron, en primeiro lugar, que as obras se fan con cargo á comandancia e, en segundo lugar, cando se lles pregunta polos prazos e polo orzamento, non dar ningunha resposta concreta.
Ante esta situación, o senador confirmou que o PP mantén a moción no Senado: “Agora terá que votala o señor Mogo e moito me temo que a intención do Goberno non sexa facer as obras, senón rizar o rizo e marear a perdiz”, advertiu.
Finalmente, Balseiro asegurou que, “como xa ocorreu noutras ocasións, probablemente será grazas á forza e ás iniciativas do PP como se consigan as melloras que se están a defender para a casa cuartel do Valadouro”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
