Ribadeo, 27 de marzo de 2026. O Concello de Ribadeo, a través do Centro de Información ás Mulleres (CIM), vén de dar a coñecer o fallo do xurado do II Certame de Fotografía Igualdade Ribadeo: Mulleres que Inspiran, unha iniciativa que ten como obxectivo promover a reflexión e a sensibilización arredor da igualdade de xénero a través da expresión artística.
O xurado, composto por Elisa Vecino Álvarez e Cris Andina Barcia, profesionais do ámbito artístico, e Patricia Pérez López, psicóloga do CIM de Ribadeo, reuniuse o pasado 27 de febreiro para valorar as 17 obras presentadas, de acordo cos criterios establecidos nas bases do certame: calidade técnica, creatividade, mensaxe e adecuación á temática proposta.
Tras a correspondente deliberación, acordouse conceder os seguintes recoñecementos:
Categoría A (menores de idade): “A igualdade tamén se adestra”, de Ainara Vega Monteserín.
Categoría B (maiores de idade): “Matriarca”, de Carolina Bouso Díaz.
Categoría C (centros de ensino): “A miña guerreira”, de Pablo Martínez Janeiro (Colexio Sagrado Corazón de Jesús).
Dende a organización destacan a participación neste certame e agradecen a implicación de todas as persoas e entidades que contribuíron ao desenvolvemento desta segunda edición. Así mesmo, nos vindeiros días darase a coñecer o espazo no que serán expostas as 17 fotografías participantes, co obxectivo de achegar estas obras á veciñanza e seguir fomentando a igualdade a través da cultura.
Con iniciativas como esta, o Concello de Ribadeo reafirma o seu compromiso coa igualdade de oportunidades entre mulleres e homes, empregando a arte como ferramenta de transformación social.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
