O Concello iniciou as obras de substitución do pavimento e dos elementos de xogo cun investimento de máis de 48.000 euros
Burela, 26 de marzo de 2026. O Concello de Burela iniciou as obras de renovación do parque infantil do Campón, unha actuación coa que se mellorará este espazo de lecer situado na contorna do Hospital Público da Mariña e próximo a varios centros educativos, nunha zona moi frecuentada por familias e pola veciñanza da parte alta do municipio.
A obra foi visitada onte pola alcaldesa de Burela, Carmela López, xunto co concelleiro de Obras, Ramiro Fernández, e o encargado de obras quen comprobaron o avance dos traballos e salientaron a importancia desta actuación para mellorar a seguridade e a accesibilidade do parque.
Os traballos consisten na substitución do pavimento existente e na renovación dos elementos de xogo do parque. Segundo explicou o concelleiro de Obras, Ramiro Fernández, trátase dun espazo “no que os elementos estaban bastante deteriorados”, polo que a súa renovación era unha das actuacións prioritarias.
A actuación permitirá retirar o pavimento actual e substituílo por unha nova superficie de caucho, máis segura e adaptada ás necesidades deste tipo de instalacións. Ademais, renovarase completamente a zona de xogos coa instalación de novos elementos pensados para diferentes idades.
Entre as novidades destaca a incorporación dun conxunto de torres, pasarelas, escaleiras e tobogáns, que configurarán o principal elemento de xogo do parque. Tamén se instalará un columbio mixto, así como un balancín destinado aos nenos e nenas máis pequenos.
Outra das novidades será a colocación de tres trampolíns circulares integrados no chan. Segundo indicou Fernández, trátase “dun xogo que non tiñamos ata agora en Burela e que pensamos que pode resultar atractivo para os nenos”.
O concelleiro explicou que a superficie do parque é limitada, polo que o proxecto foi deseñado tratando de aproveitar o espazo dispoñible da mellor maneira posible e incorporar distintos elementos de xogo sen saturar a zona.
Fernández destacou tamén que esta actuación permitirá reforzar a oferta de áreas infantís nun punto estratéxico da vila, xa que o parque do Campón dá servizo á contorna do hospital, aos centros educativos próximos e á zona alta de Burela.
Neste sentido, lembrou que a renovación deste espazo responde tamén a unha petición trasladada polos residentes da zona e que “finalmente van ver cumprida”, sinalou.
Coa actuación, o Concello busca continuar mellorando os espazos públicos da vila. Tal e como indicou o concelleiro, o obxectivo é “que as áreas de xogo estean no mellor estado posible e seguir mellorando os espazos públicos de Burela, pois é unha prioridade absoluta deste equipo de goberno”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
