O delegado territorial de Lugo, Javier Arias, explica que o proceso de contratación dos traballos está na última fase e a previsión é executalos nas vacacións de verán
Barreiros, 26 de marzo de 2026. A Xunta investirá case 400.000 euros nas obras de rehabilitación integral do Colexio de Educación Infantil e Primaria (CEIP) San Miguel de Reinante, no concello de Barreiros.
O delegado territorial de Lugo, Javier Arias, visitou hoxe o centro educativo para informar sobre as actuacións previstas, que abarcarán os dous edificios docentes. O proceso de contratación está na última fase e o obxectivo é que a empresa adxudicataria estea en disposición de executar os traballos durante as vacacións de verán.
O proxecto inclúe a substitución das carpinterías exteriores de ambas edificacións por outras de aluminio con rotura de ponte térmica e vidros de dobre acristalamento, baixo emisivos, acústicos e de seguridade; e con cámara de aire intermedia. O sistema de apertura será principalmente oscilobatiente. Tamén se Instalará un illamento térmico tipo SATE polo exterior.
No interior, colocaranse falsos teitos en aulas, corredores, vestíbulos e outros espazos, tanto no edificio antigo como no novo. Neste último tamén se incorporará falso teito vinílico nos aseos.
En canto á iluminación, renovarase o sistema existente por outro con tecnoloxía LED nas zonas onde non hai este tipo de luminarias. Ademais, acondicionarase a pasarela que conecta os dous recintos e os accesos a esa instalación.
Arias subliñou que todas estas obras en conxunto permitirán mellorar as condicións do centro educativo e garantir unha maior eficiencia enerxética, en liña cos obxectivos do Plan de nova arquitectura pedagóxica impulsado pola Xunta.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
