Os concelleiros do PP cren que “os orzamentos non foron aprobados pola soberbia da alcaldesa” á que lle recordan que “goberna en minoría” e advirten que “chegan tarde” porque deberían estar aprobados durante o pasado ano para entrar en vigor o 1 de xaneiro do 2026 pero é “responsabilidade do goberno local, non do Partido Popular”
Vilalba, 27 de marzo de 2026. “O proxecto de orzamentos presentado polo goberno municipal son os dun pacto político entre PSOE e Vilalba Aberta feito para manter un goberno, non para mellorar a vida dos vilalbeses e vilalbesas”, aseguran os concelleiros do PP de Vilalba que votaron en contra porque “medraban as partidas que interesan politicamente -os gastos protocolarios e indemnizacións ao equipo de goberno, por exemplo, elevábanse a máis de 46.000 euros-, pero quedaban estancadas as que realmente fan falta. Non hai proxecto para o Concello, hai improvisación”.
As contas foron finalmente rexeitadas porque PSOE e Vilalba Aberta non contaron tampouco co apoio do BNG evidenciando “unha crise dun goberno en minoría e enfrontado”, aseguran. “Os orzamentos -que xa levan atraso porque deberían estar aprobadas no 2025 para entrar en vigor a 1 de xaneiro- non foron aprobados pola soberbia da alcaldesa” á que lle recordan que “goberna en minoría”.
É dicir, “o atraso é responsabilidade do goberno local” e “o atraso dos pagos será tamén consecuencia da soberbia da alcaldesa” á que lle piden “non intentar culpabilizar da súa mala xestión ao Partido Popular ao que non chamou para consensuar as contas”.
Os populares expuxeron durante o Pleno que “non hai ningún tipo de evolución. Dous anos despois, Vilalba segue exactamente igual. Non é que non melloren, é que repiten os mesmos erros”. E advirten que “non é que falten recursos. Este ano hai máis cartos: máis de 700.000 euros que proceden da Xunta de Galicia. Non son froito da xestión deste goberno”. É dicir, “hai máis diñeiro, pero os resultados son os mesmos” evidenciando “falta de xestión”.
En relación aos servizos públicos inciden en que “non hai mellora, non hai cambios nin respostas: algúns externalizados, instalacións con problemas e falta de continuidade. Pero onde máis se ve aínda a falta de xestión é en urbanismo, cun responsable político directo: o señor Renda”, engaden. “Arredor de 145.000 euros de investimento en pequenas actuacións, sen planificación, sen impacto. Isto non é un plan de Concello, é ir tirando. Non é investir, é parchear”. E para o PXOM, que tamén é responsabilidade de Renda, “non había nada no 2025 e tampouco contemplaban nada para o 2026”.
Os concelleiros advirten tamén da “clara liña en materia de persoal: recortar”. E lembran que “xa o fixeron no 2025 e o goberno que fala de reforzar servizos públicos o que pretende no 2026 é eliminar 3 prazas e crear só 2”. Así mesmo, inciden en que “a decisión de eliminar a praza de chófer-palista non se entende dende ningún punto de vista porque: compran maquinaria, pero eliminan ao persoal que a pode empregar e as pistas do rural están en mal estado, pero eliminan a praza para dar o servizo”. E “se o rural está abandonado, o casco urbano tamén”, subliñan.
Os populares conclúen que “estes orzamentos non son novos. Son a confirmación de que este goberno non ten rumbo. Repiten os mesmos erros, toman as mesmas decisións e ofrecen os mesmos resultados”. Os populares aseguran que “non podemos apoiar estes orzamentos por responsabilidade cos veciños” e porque “Vilalba merece máis”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
