Burela, 26 de marzo, 2026. Nas primeiras semanas de marzo celebráronse os obradoiros interxeracionais do proxecto “Sostibilidade da actividade pesqueira e consumo responsable”, promovido pola Fundación Expomar e financiado polo Fondo Europeo Marítimo, de Pesca e de Acuicultura 2021-2027 e polo GALP A Mariña-Ortegal.
Encontros entre xeracións para recuperar a memoria mariñeira
O primeiro obradoiro tivo lugar o xoves 5 de marzo no centro de día Coidando de Vós de Burela, onde cinco persoas usuarias —Julia, María, Wences, Elvira e Josefa— conversaron con seis mozos e mozas do grupo de participación xuvenil da Casa da Xuventude.
A segunda sesión celebrouse o mércores 18 de marzo na Residencia de Maiores de Burela. Alí, os participantes foron recibidos por José, Segunda, Piedad, Jacinto, Benedicto e Consuelo. Acompañando ao grupo estiveron Mario Pillado, tenente de alcaldesa e concelleiro de Mocidade, e José Manuel González “Brais”, xerente da Fundación Expomar.
Historias de vida, tradicións e patrimonio inmaterial
Os encontros resultaron especialmente emotivos. A mocidade da Oficina Municipal de Información Xuvenil puido coñecer o lado máis humano da vida mariñeira: relatos de mulleres de mariñeiros, lembranzas de naufraxios, costumes do mar e mesmo o testemuño dun mariñeiro caboverdiano que compartiu a súa experiencia migratoria.
Todo este material forma parte do obxectivo do proxecto: recoller historias, lendas, contos, receitas e tradicións vinculadas á actividade pesqueira e ao patrimonio inmaterial de Burela.
Un proxecto que une xeracións e sectores
Coñecido popularmente como “Xeración Peixe”, o proxecto inclúe actividades con centros educativos, centros de maiores e entidades sociais. Este venres 27 terá lugar a última acción de limpeza de praias co IES Monte Castelo, tras as realizadas co IES Perdouro e cos CEIPs Vista Alegre e Os Castros, en colaboración con Gaia, o departamento ambiental do Concello de Burela.
Peche do proxecto: Congreso da Infancia e a Adolescencia
Todo o traballo desenvolvido desde outubro culminará no Congreso da Infancia e a Adolescencia, que se celebrará o xoves 30 de abril na Casa da Cultura de Burela. O evento incluirá relatorios e mostras de artesanía, cultura, literatura e gastronomía, amosando o resultado das actividades realizadas ao longo destes meses.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
