Foz, 17 de abril de 2026. Este venres, día 17 de abril, o Concello de Foz pechou ao tránsito peonil a ponte da Ronqueira, no paseo marítimo Rapadoira-Llas.
O alcalde, Fran Cajoto, explica: “vimos facendo un mantemento continuo no entarimado e elementos de seguridade da ponte. A finais do ano 2019 fixemos unha renovación nos pernos e placas dos estribos, pero despois dunha análise máis profunda por técnicos de Costas optamos por pechala para garantir a seguridade das veciñas e veciños. Os soportes metálicos das vigas transversais e algúns tirantes rixidizadores non presentan bo estado de conservación. Ao ser actuacións que exceden con moito o normal mantemento, solicitámoslle a Costas a substitución dos elementos danados para prolongar a vida útil da ponte e que se poida reabrir con seguridade”.
O rexedor municipal anuncia tamén que “a comezos da próxima semana Costas vai a publicar no BOE a adecuación definitiva do paseo en Arealonga na zona de Fazouro, entre a antiga ponte da estrada Nacional e a baixada do Castro: serán uns 450 metros de paseo de 2,5 metros de anchura cun orzamento de 301.000 euros. Con esta actuación solicitada polo Concello Costas vai a adecuar un trazado que usan a diario moitos veciños e que é a única senda viable despois dos últimos derrubes. Despois deste trámite Costas abrirá unha licitación para contratar os traballos. Estamos pendentes tamén de recibir documentación técnica do Ministerio e adquirir os terreos necesarios para retranquear o paseo na Cala de San Pedro, en Cangas. Hai dous anos do derrube e Costas publicou a aprobación provisional en outubro do 2025, falta a definitiva”.
“Seguimos traballando para manter nas mellores condicións máis de 15,5 quilómetros de paseos marítimos, que son xa unha das nosas señas de identidade”, remata Fran Cajoto.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
