Ribadeo, 20 de abril, 2026. O Salón de Actos do IES de Ribadeo Dionisio Gamallo acollerá o próximo 29 de abril ás 18:00 horas unha xornada clave de orientación para familias e alumnado baixo o lema “I Encontro de Universidades Galegas”.
A actividade está pensada para resolver dúbidas de estudantes de Bacharelato e das súas familias, ofrecendo un espazo de diálogo directo sobre que estudar, así como información detallada sobre a oferta das tres universidades galegas: titulacións, proxectos, mobilidades, cursos, aloxamentos e outros recursos de interese.
Un encontro para facilitar a toma de decisións
Desde o centro educativo explican que moitas familias da comarca teñen dificultades para acceder a información actualizada sobre os campus galegos. Ademais, lembran que o paso da adolescencia á vida adulta nun entorno novo e afastado da casa pode resultar complexo.
O IES considera que os centros educativos poden axudar a tender pontes, ofrecendo información que permita tomar decisións con maior seguridade. “A información é poder, e moitas veces non dispoñen de toda a que precisan para dar o paso con tranquilidade”, sinalan desde a dirección.
Unha iniciativa pioneira con boa acollida
Debido á demanda das familias, o centro decidiu organizar esta xornada reunindo ás tres universidades galegas. Aínda que inicialmente descoñecían se sería posible, destacan a excelente acollida por parte dos representantes universitarios, que se prestaron a colaborar desde o primeiro momento.
O acto estará aberto tamén ás familias doutros centros da contorna, xa que se considera unha oportunidade útil para toda a comunidade educativa da zona.
Un espazo para tecer redes entre familias e universidade
O IES Ribadeo subliña que reunir nun mesmo espazo ás tres universidades galegas é unha oportunidade única para crear redes, resolver dúbidas e facilitar o proceso de transición á etapa universitaria. Toda información que axude ás familias e ao alumnado a dar este paso “sempre será ben recibida”.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
