Foz, 8 de maio de 2026. O goberno municipal de Foz acusa ao Partido Popular focego encabezado polo señor Castiñeira de pretender bloquear Foz a calquera prezo: “Para o PP de Foz canto peor lle vaia a Foz, mellor para eles”, indica o alcalde, Fran Cajoto, que engade: “falta o día para que chegue algunha proposta construtiva ou para que faciliten algunha inversión da Xunta de Galicia, na que goberna o PP”.
Cajoto explica que no pleno da corporación municipal celebrado onte, xoves, “saíu adiante unha emenda do Partido Popular de Foz co voto favorable do BNG, para deixar sobre a mesa e retrasar o pago de facturas do exercicio 2025. A interventora deixa claro no seu informe que estamos a seguir o procedemento correcto para poder pagar facturas do ano 2025 que quedaron pendentes por valor de 466.625,11 euros. O único reparo que reflexa intervención é o evidente de incumprimento do principio da anualidade, xa que estamos a falar de gastos correspondentes ao exercicio 2025. Facturas que entraron a finais de novembro ou decembro e que os servizos municipais non conseguiron tramitar. Isto parte dunha actitude revanchista e rencorosa: o señor Castiñeira di que queren que as empresas cobren pero bloquea o pago, non fixo ningunha pregunta sobre ningunha factura porque non lle importa, o seu único obxectivo é que lle vaia mal ao goberno aínda que iso prexudique a empresarios, autónomos e veciños”.
Respecto ao orzamento municipal do 2026, que o voceiro do PP pon como escusa, o alcalde de Foz aclara que “a nova interventora municipal tomou posesión da súa praza a segunda quincena de marzo e xa mantivemos reunión co BNG cun primeiro borrador de orzamento. Sufrimos un ano 2024 sen a figura de Intervención e aínda así demostramos ano tras ano que temos aforro neto positivo e contamos con remanente de tesourería, como reflexou no seu informe o Consello de Contas hai ben poucos días, o que non acontece noutros concellos da contorna. Pero é que o Plan Económico Financeiro establece que o Concello de Foz debe axilizar máis aínda os pagos e o Partido Popular en cambio dedícase a bloquealos. O señor Castiñeira deberá explicarlle a veciños e empresas por que desatende as indicacións do informe de intervención que establece claramente que o bloqueo do pago é enriquecemento inxusto do Concello e ten responsabilidades patrimoniais para os membros da corporación. Non se quere lembrar Castiñeira que cando era alcalde os anos 2013 e 2014 nin sequera presentou os orzamentos e si levou recoñecementos extraxudiciais, por iso queda completamente deslexitimado. Nós cumprimos os acordos que fixemos con todos os partidos, tamén co PP, e a honestidade non se compra nin se vende, como quedou demostrado en Lugo”.
Fran Cajoto fai referencia tamén a outro asunto tratado no pleno, a petición dun PAC para Foz; “desde o PSdeG-PSOE levamos unha moción para esixirlle ao Sergas que estableza un PAC (punto de atención continuada) no centro de saúde de Foz. É especialmente relevante despois dos últimos cambios normativos que fixo a Xunta, que fía a apertura do centro de saúde os sábados pola mañá á voluntariedade dos médicos. O PP votou en contra da moción do PSOE e da do BNG argumentando que os veciños de Foz preferían o PAC en Burela, que é mellor non ter servizo de urxencias médicas no noso Concello. Algo inaudito e esperpéntico, inverosímil e incomprensible. Esperabamos algo de altura de miras, pero vemos que hai unha consigna clara de bloquear calquera iniciativa que comprometa á Xunta aínda que prexudique claramente ás veciñas e veciños”.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
No evento participarán todas as seccións da escola, que amosarán o traballo desenvolvido ao longo do ano. A entidade adianta tamén que está a ultimar os preparativos da XL Feira do Bonito, da que ofrecerá máis información proximamente.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
