Madrid, 12 de maio, 2026. “O PP prefire esaxerar e manipular a realidade do servizo postal na provincia de Lugo, pero continúa desprezando os problemas da atención sanitaria que sofren os lucenses, especialmente os que viven no rural”, asegurao o senador socialista, César Mogo.
O mariñán explica que na Comisión de Facenda do Senado, “o PP rexeitou a proposta do PSOE para reforzar o servizo de Correos, garantindo a atención nos momentos de maior actividade postal e mellorando os medios dispoñibles nas zonas rurais. En lugar diso, optou por manterse na demagoxia. Como lembrei, citan a oficina de Correos do Valadouro, precisamente aquela na que o Goberno de Rajoy, en 2015, recortou o horario en máis de 7 horas e media semanais, até deixalo en pouco máis de 3 horas diarias, sen que ningún membro do PP dixese nada. Tivo que ser o Goberno de Pedro Sánchez quen, en 2021, recuperase e mesmo superase ese horario, que hoxe ofrece 5 horas e media de atención diaria ao público, 12 horas máis á semana que co PP”.
“O máis grave é que, mentres manipula a situación postal, o PP mira para outra parte respecto á situación de recortes na atención primaria galega, que perdeu nos últimos 20 anos entre 700 e 1.000 profesionais. Como tamén lles recordei, dan as costas aos moitos municipios da provincia de Lugo que sofren carencias de persoal sanitario: no Valadouro só hai un médico e non se cubriu outra praza vacante; en Trabada hai días nos que non contan con ningún médico; e en Ribeira de Piquín só dispoñen de atención tres días á semana e en media xornada. Redución de efectivos e vacantes sen cubrir: esa é a realidade da atención sanitaria na provincia, sen que a Xunta adopte as solucións necesarias e sen que os senadores do PP digan ou fagan nada, coma se os problemas non existisen”.
“En lugar diso, prefiren converter o Senado nun xoguete para tentar desviar a atención dos lucenses. Por iso recomendei aos senadores do PP que non se esquezan de visitar aqueles lugares onde nunca poñen un pé: os centros de saúde dos nosos municipios. Así, polo menos, achegarán algo para desterrar o cinismo da política e atenderán os problemas que máis afectan ás persoas”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
