Illa de Arousa, 8 de maio de 2026. O proxecto de cooperación “Relevo Xeracional: O Futuro do Mar” celebrou o pasado venres unha visita de estudo e intercambio entre representantes dos GALPs galegos e do País Vasco, nun encontro centrado na análise de iniciativas e propostas para favorecer o relevo xeracional no sector marítimo-pesqueiro.
A xornada reuniu representantes dos distintos Grupos de Acción Local do Sector Pesqueiro participantes no proxecto —entre eles presidencias, xerencias e persoal técnico— nun espazo de traballo colaborativo orientado ao intercambio de experiencias e á procura de solucións conxuntas para un dos principais retos do sector.
A programación comezou cunha visita ao Instituto Galego de Formación en Acuicultura (IGaFA), onde as persoas asistentes puideron coñecer de primeira man o labor formativo que desenvolve o centro e as oportunidades vinculadas á formación marítimo-pesqueira e acuícola. Posteriormente, realizouse unha visita á aula virtual da Confraría de Pescadores da Illa de Arousa, coñecendo ferramentas e recursos destinados á formación e capacitación do sector.
Durante a sesión de traballo abordáronse cuestións como as actividades executadas e pendentes dentro do proxecto “Relevo Xeracional: O Futuro do Mar”, a valoración da Formación Profesional Dual e a súa posible implantación na pesca de baixura, así como diferentes achegas e experiencias orientadas a fomentar a incorporación da mocidade ao sector marítimo-pesqueiro.
O encontro permitiu tamén compartir impresións coa representación do GALP do País Vasco, reforzando o intercambio de coñecementos e boas prácticas entre territorios costeiros con desafíos comúns arredor do futuro do mar.
A xornada rematou cun xantar de traballo baseado nunha degustación de produtos pesqueiros, nun ambiente de convivencia e colaboración entre as entidades participantes.
Desde a organización valórase moi positivamente esta visita de estudo, destacando a importancia de crear espazos de diálogo, coordinación e cooperación entre territorios para seguir impulsando accións que contribúan a garantir o futuro das profesións do mar.
O proxecto “Relevo Xeracional: O Futuro do Mar” está impulsado polos GALPs de Galicia en colaboración co GALP do País Vasco e financiado pola Consellería do Mar e o FEMPA.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
