A proposta dos populares pasa pola creación dun órgano consultivo no que estean representados os distintos grupos políticos municipais e tamén persoas coñecedoras da historia local, coa participación destacada do cronista oficial de Foz, Xoán Ramón Fernández Pacios
Foz, 12 de maio de 2026. O Grupo Municipal do Partido Popular de Foz propón a creación dunha mesa de expertos que asesore aos grupos políticos no proceso de nomeamento das distintas rúas do municipio, co obxectivo de garantir “o máximo rigor, obxectividade e consenso” nun asunto que consideran de gran relevancia para a historia e a memoria colectiva de Foz.
O portavoz popular, Javier Castiñeira, explica que desde o PP consideran positivo que as propostas poidan xurdir da iniciativa veciñal, aínda que lembra que será finalmente a Corporación Municipal quen deba adoptar a decisión definitiva.
“Tan importante como homenaxear cunha rúa a unha persoa, un lugar ou un feito relevante para Foz é facelo dunha maneira rigorosa, acertada e pensando no interese xeral dos veciños”, sinala Castiñeira.
A proposta dos populares pasa pola creación dun órgano consultivo no que estean representados os distintos grupos políticos municipais e tamén persoas coñecedoras da historia local, coa participación destacada do cronista oficial de Foz, Xoán Ramón Fernández Pacios.
“O cronista oficial debe formar parte desta mesa polo respecto institucional que merece a súa figura e tamén polo importante coñecemento histórico que pode aportar a este proceso”, indica o portavoz popular, quen tamén aposta por incorporar “outras persoas que poidan contribuír con seriedade, documentación e rigorosidade”.
Neste sentido, o Partido Popular lembra que no último pleno municipal preguntou ao goberno local se xa existira contacto co cronista oficial. Segundo explica Castiñeira, o alcalde recoñeceu que aínda non se producira esa conversa, aínda que mostrou disposición a mantela.
Desde o PP consideran que a constitución desta mesa debería ser o primeiro paso antes de abordar calquera decisión definitiva sobre os novos nomes das rúas.
“Os grupos políticos municipais serán os que teñan que decidir finalmente, pero cremos fundamental que esa decisión estea avalada por informes e valoracións obxectivas elaboradas por persoas coñecedoras da historia e da realidade de Foz”, afirma.
“En Foz hai moitísima xente con enormes méritos e á que nunca estaremos suficientemente agradecidos. Precisamente por iso cremos que este proceso debe desenvolverse coa máxima responsabilidade e co maior consenso posible”, conclúe Castiñeira.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
