José Manuel Balseiro denuncia o “abandono” da actividade postal por parte do Goberno de Pedro Sánchez mentres o PSOE “vive instalado na autocompracencia e é incapaz de asumir a realidade que sofren veciños e traballadores”
Madrid, 12 de maio de 2026. O Partido Popular conseguiu hoxe no Senado sacar adiante, coa abstención do PSOE, unha iniciativa que censura o progresivo desmantelamento do servizo de Correos na provincia de Lugo e reclama ao Goberno de Pedro Sánchez medidas urxentes para reforzar os cadros de persoal, cubrir vacantes e garantir un servizo postal digno, especialmente no rural lucense.
O senador lucense José Manuel Balseiro defendeu na Comisión de Hacienda unha moción na que o Partido Popular se fai eco das queixas trasladadas desde hai meses por veciños, traballadores, autónomos, empresas e representantes municipais de toda a provincia ante o deterioro do servizo postal.
Balseiro denunciou que “o colapso de Correos en Lugo xa non é unha percepción nin unha denuncia illada da oposición; é unha realidade evidente que recoñecen incluso alcaldes e responsables políticos próximos ao propio PSOE”.
O popular advertiu de que a provincia sofre “menos persoal, atrasos acumulados, oficinas saturadas, sobrecarga laboral e baixas sen cubrir”, unha situación especialmente grave no rural, onde Correos segue sendo un servizo esencial para persoas maiores, pequenos negocios e municipios que xa padecen a perda doutros servizos públicos.
“O problema de Correos en Lugo non é a falta de demanda; é a falta de xestión e o abandono do Goberno de Sánchez”, afirmou.
Durante o debate, Balseiro criticou con dureza a actitude do PSOE, ao que acusou de “vivir instalado na autocompracencia mentres os veciños sofren as consecuencias deste deterioro da que é a primeira empresa pública en España: Correos”.
Neste sentido, rexeitou a emenda presentada polos socialistas ao considerar que “pretendía borrar as denuncias reais dos veciños e traballadores e substituílas por un relato propagandístico completamente afastado da situación que vive a provincia”.
“É inaceptable que pretendan substituír na súa integridade un acordo que non é froito do capricho do PP, senón que nace das queixas de veciños e traballadores”, indicou. E engadiu que “é case un insulto que, ante a magnitude dos problemas, propoñan seguir xestionando eficientemente os recursos humanos e materiais” cando “hai atrasos acumulados e non se cobren baixas nin xubilacións” e que “propoñan articular coberturas temporais e reforzar plantillas cando sexa preciso toda vez que non o están facendo”.
“Faltan carteiros, os propios traballadores denuncian unha presión laboral insoportable e os alcaldes de distintos colores políticos levan meses alertando do deterioro do servizo”, apuntou o popular.
Balseiro explicou tamén que “compartimos a importancia de reforzar servizos no rural” e, polo tanto, “podería ser razoable ese punto como adición, pero non como substitución dunha moción que denuncia problemas reais que o PSOE pretende negar”.
MENOS TRABALLADORES QUE HAI 6 ANOS
O senador popular lembrou ademais que as propias respostas oficiais do Goberno evidencian unha preocupante perda de efectivos na provincia. “Lugo ten hoxe menos traballadores de Correos que hai seis anos e 2025 rexistra o menor número de efectivos de toda a serie recente. Estamos ante un desmantelamento progresivo do servizo postal”, advertiu.
Balseiro insistiu en que o rural lucense “non necesita propaganda nin escusas” e esixiu ao Executivo central “cubrir todas as vacantes estruturais, substituír de forma automática as baixas e reforzar de maneira inmediata as unidades de reparto e oficinas da provincia”.
“O Goberno de Sánchez está máis preocupado por colonizar institucións e colocar perfís afíns que por garantir servizos públicos dignos. Mentres ocupan despachos en Madrid, os pobos de Lugo perden servizos esenciais”, concluíu.
O Concello informa de este mércores producirase un corte no subministro de auga en varias parroquias con motivo das obras de abastecemento que se están a realizar en Landrove. As zonas afectadas serán as parroquias de Chavín, San Pedro, Valcarría, Landrove, Galdo e Magazos ata Ruanova. O corte está previsto entre as 9.00 e as 15.00 horas aproximadamente, polo que se recomenda á veciñanza que tome as medidas oportunas durante esa franxa horaria. Desde o Concello pídeselle comprensión á cidadanía polas molestias que esta incidencia poida ocasionar e lémbrase que se trata dunha afección puntual derivada dunha actuación necesaria para a mellora da rede de abastecemento.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A iniciativa, organizada polos concellos de Navia, Coaña e Villayón xunto coa asociación AISPA, reuniu máis de 70 persoas. Explicáronse requisitos, prazos e novidades dun proceso cuxo prazo remata o 30 de xuño. Os tres municipios detectaron a necesidade de ofrecer información e apoio á poboación migrante para facilitar a súa regularización e acceso ao emprego, especialmente nun momento no que sectores como os coidados, a construción e o metal precisan man de obra. Os concellos valoran a alta participación e lembran que para dúbidas adicionais está dispoñible o teléfono 655 608 610.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
