Viveiro, 12 de maio, 2026. O BNG de Viveiro vén de presentar alegacións ante Portos de Galicia co obxectivo de mellorar substancialmente o proxecto presentado por Gadis para renovar as súas instalacións e prorrogar a concesión administrativa. A formación nacionalista valora positivamente a continuidade da actividade comercial, mais insiste en que debe ir acompañada de garantías para o interese público.
“Valoramos positivamente o interese de Gadis por continuar e reforzar esta actividade comercial”, sinalan desde o BNG, “mais falamos dun espazo público e é imprescindible que o proxecto incorpore melloras que garantan un desenvolvemento equilibrado, sustentable e respectuoso coa veciñanza”.
O BNG considera que o proxecto, tal e como está formulado, “non resolve nin a integración urbana nin o impacto sobre o comercio local”. Por iso, propón actuacións sobre o edificio, o estacionamento e os accesos, así como medidas que protexan o emprego e a actividade da praza de abastos, situada a poucos metros.
Un proxecto que debe responder ao interese xeral
A voceira municipal, Iria Cotelo, subliña que a concesión debe reverter no conxunto da cidadanía: “Non se trata só de modernizar unha superficie comercial, senón de garantir que esta actuación mellore Viveiro e non agrave problemas existentes”.
Cotelo advirte tamén sobre o impacto laboral e comercial: “Se se introducen caixas de autocobro, hai que garantir o mantemento do emprego. É importante que a modernización non vaia asociada á precarización dos postos de traballo”. Engade que é fundamental asegurar unha convivencia real coa praza de abastos e co comercio local, “que forman parte da identidade económica e social de Viveiro”.
Humanizar un espazo con forte impacto visual
Outro dos puntos centrais das alegacións é a integración urbana e paisaxística dun ámbito especialmente sensible pola súa proximidade ao casco histórico e pola súa visibilidade desde a ría.
“Actualmente a zona presenta un aspecto claramente industrial, alleo á contorna”, explica Cotelo. Por iso, o BNG propón unha reordenación profunda do espazo exterior: eliminar elementos discordantes como o murete xunto ao paso de peóns, reducir a superficie asfaltada, reorganizar o estacionamento, retirar a cartelería de grandes dimensións e incorporar zonas verdes que melloren a relación coa contorna. “Cada intervención na ría e no casco histórico debe contribuír a mellorar a imaxe de Viveiro”.
Máis calidade arquitectónica e menos impacto
A formación lembra o proceso histórico de recuperación do litoral para abrir Viveiro ao mar e considera insuficiente a solución proposta por Gadis para mellorar a edificación. “En Viveiro levamos décadas traballando para abrir a vila ao mar, eliminando construcións que rompían coa paisaxe. Non vemos axeitada unha reforma baseada en panel sandwich pintado de vermello-alaranxado nunha zona tan sensible, na entrada da vila e a carón da ría”.
Por iso, o BNG reclama unha revisión en profundidade: “É imprescindible replantexar a integración arquitectónica do edificio. Falamos dunha concesión en solo público, e iso obriga a ser máis esixentes: máis calidade, máis integración e máis respecto polo interese xeral de Viveiro”.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
