A campaña dará prioridade agora no inicio ás zonas de praias, “onde se concentra unha maior afluencia de tráfico e visitantes durante o verán, co obxectivo de garantir a seguridade viaria e reforzar a prevención nos puntos de maior tránsito”, subliñou
Lugo, 12 de maio de 2026. A Deputación de Lugo iniciou este martes a campaña de desbroce e limpeza das marxes da rede viaria provincial, cun investimento de 2,4M€ destinados a mellorar a seguridade e garantir a conservación nos máis de 4.200 quilómetros de estradas que ten a institución provincial, a rede de estradas máis extensa de España.
A Presidenta da Deputación Lugo, Carmela López, anunciou o inicio desta tarefas e destacou o reforzo do dispositivo deste ano para o que, “intensificamos as actuacións de limpeza das marxes da rede viaria provincial, polo que na maioría dos concellos se intervirá dúas veces, o que supón un incremento superior ao 75 % na prestación do servizo”.
Este reforzo do Plan de Roza provincial permitirá incorporar máis actuacións de retirada de maleza, vexetación, matogueiras e especies arbóreas nas bernas, gabias e taludes; mellorando así a seguridade viaria, a visibilidade nas estradas, o estado de conservación da rede provincial e a prevención de riscos contra os lumes.
A campaña prioriza agora no seu inicio especialmente as zonas de praias, onde se concentra unha maior afluencia de tráfico e visitantes durante o verán. Neste sentido, Carmela López apuntou que o obxectivo “é garantir a seguridade viaria e reforzar a prevención nos puntos de maior tránsito”.
Nestes momentos, as empresas de conservación están a traballar en concellos como Láncara, O Vicedo, Portomarín, Guitiriz, Barreiros, Burela e Cervo, entre outros. O dispositivo está organizado en 24 zonas, que abranguen toda a rede viaria provincial e permiten executar os traballos de forma coordinada e simultánea en distintos puntos da provincia.
A Presidenta lembrou que o contrato foi modificado na pasada Xunta de Goberno cun incremento de 540.000 euros e que xa se atopa en execución. “Comezamos a campaña antes do mes de xuño e xa estamos a traballar para dar unha resposta inmediata”, recalcou a mandataria provincial.
Así mesmo, engadiu López que “a previsión é que cada estrada reciba dúas intervencións, unha na primavera e outra no verán, co obxectivo de reforzar o mantemento da rede viaria durante toda a campaña estival”.
As 24 zonas nas que está dividida a rede provincial para desenvolver os desbroces son as seguintes:
– Zona 1: O Vicedo, Viveiro, Xove e Ourol.
– Zona 2: Burela, Cervo, Foz, O Valadouro e Alfoz.
– Zona 3: Muras, Xermade e Vilalba.
– Zona 4: Barreiros, Ribadeo, Trabada e Lourenzá.
– Zona 5: Mondoñedo e Abadín.
– Zona 6: A Pontenova, Riotorto e A Pastoriza.
– Zona 7: Cospeito, Rábade, Outeiro de Rei, Guitiriz e Begonte.
– Zona 8: Castro de Rei, Pol e Meira.
– Zona 9: Lugo e Guntín.
– Zona 10: Castroverde e O Corgo.
– Zona 11: Friol.
– Zona 12: Baleira, Baralla e Láncara.
– Zona 13: Ribeira de Piquín e A Fonsagrada.
– Zona 14: Negueira de Muñiz e Navia de Suarna.
– Zona 15: Becerreá e As Nogais.
– Zona 16: Cervantes e Pedrafita do Cebreiro.
– Zona 17: Antas de Ulla, Monterroso, Portomarín e Palas de Rei.
– Zona 18: O Páramo, Paradela e Sarria.
– Zona 19: O Incio, Triacastela e Samos.
– Zona 20: Taboada e O Saviñao.
– Zona 21: Chantada e Carballedo.
– Zona 22: Folgoso do Courel, Quiroga e Ribas de Sil.
– Zona 23: Bóveda, Pobra do Brollón e Monforte de Lemos.
– Zona 24: Pantón e Sober.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
