Ribadeo, 13 de maio, 2026. A Asociación Cultural Francisco Lanza, coa colaboración do Concello de Ribadeo e da Área de Cultura da Vicepresidencia da Deputación Provincial de Lugo, organiza diversas actividades esta fin de semana con motivo das Letras Galegas.
Por unha banda, a presentación do libro dedicado ao rock bravú, que ía ser presentada por Xurxo Souto, queda adiada até novo aviso debido á indisposición do autor.
Desde o venres poderá visitarse na Escola de Música a exposición dedicada a Hernán Naval, que permanecerá aberta até o remate do curso.
O sábado 16, ás 14:00 horas, celebrarase no restaurante O Mariñeiro o Xantar en Homenaxe a Hernán Naval. Aínda quedan algunhas prazas dispoñibles, e quen desexe inscribirse de última hora poderá recoller tarxetas de invitación no Bar Cantón.
Pola tarde, ás 19:00 horas, terá lugar no auditorio Hernán Naval o concerto de homenaxe ao autor. A entrada será gratuíta até completar aforo.
Ademais, durante toda a fin de semana desenvolverase a campaña “Un caravel, un libro” nas librarías de Ribadeo. Por cada compra dun libro en galego, entregarase un caravel como agasallo —até esgotar existencias— xunto cunha pequena tarxeta conmemorativa do Día das Letras Galegas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Concello informa de este mércores producirase un corte no subministro de auga en varias parroquias con motivo das obras de abastecemento que se están a realizar en Landrove. As zonas afectadas serán as parroquias de Chavín, San Pedro, Valcarría, Landrove, Galdo e Magazos ata Ruanova. O corte está previsto entre as 9.00 e as 15.00 horas aproximadamente, polo que se recomenda á veciñanza que tome as medidas oportunas durante esa franxa horaria. Desde o Concello pídeselle comprensión á cidadanía polas molestias que esta incidencia poida ocasionar e lémbrase que se trata dunha afección puntual derivada dunha actuación necesaria para a mellora da rede de abastecemento.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A iniciativa, organizada polos concellos de Navia, Coaña e Villayón xunto coa asociación AISPA, reuniu máis de 70 persoas. Explicáronse requisitos, prazos e novidades dun proceso cuxo prazo remata o 30 de xuño. Os tres municipios detectaron a necesidade de ofrecer información e apoio á poboación migrante para facilitar a súa regularización e acceso ao emprego, especialmente nun momento no que sectores como os coidados, a construción e o metal precisan man de obra. Os concellos valoran a alta participación e lembran que para dúbidas adicionais está dispoñible o teléfono 655 608 610.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
