Inclúense obradoiros, música, teatro, librarías na rúa e propostas que xiran arredor da lingua e cultura galegas
Viveiro, 12 de maio de 2026. O Concello de Viveiro desenvolverá entre os días 15 e 17 de maio un programa de actividades con motivo da celebración das Letras Galegas. A proposta inclúe obradoiros, conferencias, concertos, teatro e iniciativas de animación cultural en varios espazos do municipio.
A programación comezará o venres 15 de maio, ás 18.00 horas, cun obradoiro de lettering na Biblioteca Municipal, dirixido a público a partir de 7 anos. As inscricións poden realizarse no teléfono 982 570 606 e as prazas son limitadas. Ás 19.30 horas celebraranse as II Xornadas de Violoncello, cunha conferencia de Adrián Pereiro, luthier, e a presentación do proxecto «Un chelo, catro historias», no salón de actos do Conservatorio.
A xornada completarase ás 20.00 horas co acto homenaxe «Hernán Naval» no Teatro Pastor Díaz, organizado por Colectivo Pensamento e Sementeira.
A Praza Maior será escenario o sábado 16 de maio, ás 12.00 horas, da actuación de Bágoas da Terra-Grupos Infantís, con Pinousa, Ledaíña e Abrende, ademais de seis pandeireteiras infantís. Pola tarde, ás 18.30 horas, terá lugar no salón de actos do Conservatorio o concerto do conxunto de violonchelos do CMUS de Viveiro e do CMUS da Coruña. Ás 20.00 horas, o Teatro Pastor Díaz será escenario da representación da obra «Oficina de Emprego», a cargo do Grupo de Teatro de Aspanane.
O domingo 17 de maio, ás 12.00 horas, levarase a cabo a interpretación do himno galego por parte David Bellas, artista e profesor do CMUS de Viveiro, na Praza Maior. A continuación terá lugar a actuación da Coral Alborada. Ademais, as librarías estarán abertas na Praza Maior. No caso de choiva, esta actividade celebrarase no Teatro Pastor Díaz. Pola tarde, ás 19.30 horas, o Teatro Pastor Díaz acollerá a representación da obra «Begoña Caamaño. O transgredir das ondas», con entrada de balde ata completar aforo.
Con esta programación, o Concello de Viveiro súmase á celebración das Letras Galegas cunha proposta que ten como obxectivo promover a lingua e a cultura galegas a través da música, da literatura, da escena e da participación cidadá.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.