A Mariña, 22 de xuño de 2026. A Mancomunidade de Concellos da Mariña Lucense participou o pasado venres, 19 de xuño, no foro celebrado en Ribadeo baixo o nome de España Verde: un destino de calidade, impulsado a través da colaboración entre Galicia, Asturias, Cantabria e País Vasco, co apoio da Xunta de Galicia. A Mancomunidade estivo representada pola xerente do Plan de Sostibilidade Turística da Mariña Lucense, Tania Hermida.
O foro concíbese como un punto de encontro para analizar o papel dos territorios da España Verde (Galicia, Asturias, Cantabria e País Vasco) ante os retos climáticos, os novos modelos turísticos e os desafíos que estes implican para os territorios e as comunidades locais. Así, reuniu no Real Club Naútico de Ribadeo a representantes institucionais, profesionais do sector turístico e axentes estratéxicos vinculados ao turismo, á sostibilidade, á artesanía, á calidade alimentaria e ao Camiño de Santiago.
A Mancomunidade de Concellos da Mariña Lucense estivo representada pola súa axente de desenvolvemento turístico e xerente do Plan de Sostibilidade Turística, Tania Hermida, quen abordou na súa intervención o traballo que vén realizando a entidade para promover na Mariña un modelo turístico de calidade, que xere valor para as persoas que nos visitan, pero tamén para a comunidade local, acadando un equilibrio beneficioso e enriquecedor para todos os axentes do sector. Para Tania Hermida “a sostibilidade é o factor clave ao que deben aspirar os destinos á hora de desenvolver o seu modelo turístico e o único modelo que pode garantir o futuro do sector e a protección das comunidades locais”.
Tal como explicou Tania Hermida, desde a Mancomunidade está a impulsarse a transformación turística do territorio, a través do PST e doutras liñas de cofinanciamento como convenios anuais, poñendo como base o respecto e o valor da identidade, convertendo os valores locais nun dos maiores atractivos para as persoas que se achegan ata A Mariña.
Turexpo
Noutra liña de temas, desde a Mancomunidade de Concellos da Mariña Lucense valorouse moi positivamente a súa recente participación na feira de turismo TUREXPO Salón Turístico de Galicia 2026, que se celebrou do 4 ao 7 de xuño durante a Semana Verde na Feira Internacional de Galicia ABANCA, en Silleda. A Mancomunidade participou por primeira vez nesta feira e fíxoo cun stand propio no que mantivo encontros de traballo con axentes do sector e atendeu ao público visitante.
TUREXPO chegou este ano á súa 48º edición convertida nun punto de encontro principal no noroeste peninsular, cunha gran capacidade para xerar negocio, interacción e información sobre o sector turístico, tanto a nivel nacional como internacional. Máis de 100.000 persoas visitaron a feira nos seus catro días de apertura, que bateu nesta edición o récord de participantes, con 129 empresas e destinos, nun espazo expositivo de 1.634 metros cadrados.
O stand da Mariña estivo atendido por persoal técnico da Mancomunidade e guías oficiais do territorio, que ofreceron información completa ás persoas que se interesaron polo destino, e que aproveitou tamén para establecer sinerxias con outros axentes do sector, co obxectivo de consolidar o destino.
No marco desta feira, a Mancomunidade buscou captar mercados de interese para o destino promovendo estadías principalmente fóra de temporada e vinculadas a súa enorme riqueza cultural e natural, dous valores turísticos claves da Mariña. Así mesmo, a entidade difundiu as múltiples posibilidades que ofrecen os seus municipios para o turismo activo, de natureza, aventura e deportivo, sen deixar de lado a gastronomía ou a artesanía, outros dos seus piares básicos.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
