Trabada, 26 de xuño de 2026. O Concello de Trabada continúa avanzando na mellora de infraestruturas, espazos públicos e vías de comunicación no municipio, con diferentes actuacións executadas recentemente na parroquia de Vilaformán.
Entre elas, remataron xa as obras de pintado exterior e a instalación de canelóns e baixantes no teleclub de Vilaformán, uns traballos que permiten mellorar a conservación e a imaxe deste espazo de uso veciñal.
Do mesmo xeito, tamén se levou a cabo unha actuación de mellora da seguridade no pozo de incendios situado no lugar da igrexa de Vilaformán, mediante a instalación de novas barandillas, reforzando así a protección e a seguridade neste punto.
Por outra banda, no referente ás vías de comunicación, veñen de executarse por parte da Deputación de Lugo as obras de mellora do firme da vía provincial LU-P-6102, que conecta a estrada nacional N-640 co núcleo de O Outeiro. Esta primeira fase consistiu no aglomerado dos primeiros catro quilómetros e no pintado completo da vía.
O alcalde de Trabada, Rubén García, destacou que “seguimos traballando para mellorar os nosos locais, os nosos espazos públicos e tamén as vías de comunicación, que son fundamentais para garantir unha mellor calidade de vida á veciñanza”.
O rexedor tamén avanzou que “xa se está traballando na medición e no proxecto da seguinte fase desta vía provincial, que conta cun trazado total de 12 quilómetros, ademais doutros proxectos de reforma noutras estradas provinciais que atravesan o noso concello”.
Desde o Concello subliñan que este tipo de actuacións son fundamentais para continuar modernizando as infraestruturas municipais e seguir mellorando os servizos e comunicacións en todas as parroquias.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
