A iniciativa, organizada en colaboración con ARELAS, celebrarase o 1 de xullo no Salón de Plenos da Casa do Concello
Burela, 26 de xuño de 2026. O Concello de Burela dará comezo á programación do Orgullo LGTBIQA+ coa mesa redonda “Identidades, expresión e afectos: un diálogo aberto”, unha actividade organizada en colaboración con ARELAS que terá lugar o vindeiro mércores, 1 de xullo, ás 19:00 horas, no Salón de Plenos da Casa do Concello.
A iniciativa nace coa vontade de crear un espazo participativo e aberto á cidadanía no que persoas con diferentes realidades e experiencias vitais dentro do colectivo LGTBIQA+ poidan compartir as súas historias, reflexións e aprendizaxes. O encontro pretende contribuír á visibilización da diversidade afectivo-sexual, familiar e de xénero, favorecendo a reflexión colectiva e axudando a desmontar prexuízos e estereotipos que aínda persisten na sociedade.
A concelleira de Igualdade, Sandra Fernández, destaca que “dende o Concello de Burela queremos que o Orgullo sexa moito máis ca unha data no calendario: queremos que sexa un espazo para escoitar, aprender, acompañar e reivindicar. Esta mesa redonda é unha oportunidade para achegarnos a realidades que moitas veces foron silenciadas e para seguir construíndo unha Burela máis libre, máis respectuosa e máis diversa”.
A concelleira engade que “a igualdade tamén se constrúe dando voz ás persoas, creando referentes positivos para a mocidade e defendendo que todas as persoas teñen dereito a ser quen son e a amar como senten, sen medo e sen discriminación”.
A actividade está dirixida á cidadanía en xeral, con especial interese para persoas mozas, familias, profesionais da educación, da intervención social e da saúde, así como para entidades e colectivos comprometidos coa diversidade e coa defensa dos dereitos LGTBIQA+.
Fernández rematou explicando que, con esta actividade, “o Concello de Burela reafirma o seu compromiso coa construción dunha vila máis inclusiva, diversa e libre de LGTBIfobia, facendo do Orgullo un espazo de participación, sensibilización e defensa dos dereitos humanos”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
