Os deputados populares tamén propoñen que o goberno provincial asuma o compromiso de ampliar o Museo Provincial do Mar que xestiona a Deputación e actualmente non dispón de espazo suficiente para mostrar todo o valioso legado que se conserva dando resposta á proposta do Concello de Cervo que xa trasladou a súa disposición para ceder os terreos necesarios
Lugo, 29 de xuño de 2026. Os deputados do Grupo Provincial Popular defenderán no Pleno deste martes dúas iniciativas: unha para prohibir que a Deputación asuma o custe da defensa de calquera político ou persoal acusado de delitos sexuais, como é o caso de José Tomé, ou que vulneren os dereitos das mulleres e outra para instar ao goberno provincial a ampliar o Museo Provincial do Mar situado en San Cibrao (Cervo) atendendo a petición do Concello que se ofrece a ceder o terreo, unha vez rematados os trámites administrativos e urbanísticos.
O voceiro provincial, Antonio Ameijide, lembra que “Tomé ten solicitado que a Deputación de Lugo asuma, cos cartos de tódolos lucenses, o custo -cunha previsión de 37.000€- da súa defensa polo caso dun presunto acoso sexual” polo que esixe a PSOE e BNG a “posicionarse e dicir claramente se están do lado dos lucenses ou se prefiren blindar os intereses particulares de José Tomé”.
O popular pregúntase “se este pago é unha das condicións impostas por Tomé para apoiar a investidura de Carmela López” e “se o BNG, despois de asegurar que a Deputación non lle ía pagar os seus avogados, agora si o vai permitir”.
Por outra banda, os deputados populares propoñen que o goberno provincial de PSOE e BNG dea contestación e atenda a petición do Concello de Cervo para que a Deputación de Lugo amplíe o Museo Provincial do Mar que xestiona en San Cibrao. “O que pedimos é que cumpran co seu compromiso, unha vez que o Concello da realizou os trámites administrativos e urbanísticos necesarios e está en disposición de ceder os terreos á Deputación para a ampliación deste espazo museístico e a posterior xestión da mesma”, explica Ameijide.
O popular recorda que o Museo Provincial do Mar de San Cibrao pon de relevo a fonda tradición mariñeira do municipio recollendo a historia de pescadores e pescantinas, navegantes e cazadores de baleas, redeiras e carpinteiros de ribeira, e tamén a biodiversidade do medio marítimo. Trátase dun “importante foco de interese cultural e turístico”, pero o edificio actual non dispón de espazo suficiente para mostrar todo o valioso legado que se conserva polo que “é necesaria unha ampliación para poder expoñer os fondos dispoñibles”.
ROGOS E PREGUNTAS
Os deputados populares tamén se dirixirán ao goberno provincial no Pleno deste martes para que dea explicacións sobre o seu incumprimento cos veciños e veciñas de Folgoso do Courel. E concretamente, agardan explicacións sobre as medidas que ten previsto adoptar o goberno provincial despois de que o Concello de Folgoso de Courel acordara resolver o Convenio coa Deputación de Lugo para a construción da residencia de maiores e declarar a reversión dos terreos; á vista de que o goberno provincial de PSOE e BNG non deu os pasos necesarios para que a obra puidera estar licitada, adxudicada, contratada, executada, rematada e recibida antes do 26 de xullo de 2026, data na que remata o prazo final da vixencia.
A falta de mantemento e conservación das estradas provinciais tamén será un dos temas a abordar no vindeiro Pleno da man do Grupo Provincial Popular. Os deputados do PP esixen que o goberno de PSOE e BNG aclare en que data está previsto rematar o arranxo anunciado da LU-P-4707 ao seu paso pola Pobra do Brollón, que leva anos nun estado practicamente intransitable e provocando danos nos vehículos; e se prevén usar materiais que garantan a durabilidade do firme.
Así mesmo, os populares tamén esixirán que o goberno provincial cumpra o seu deber de manter en condicións de seguridade as vías provinciais do municipio de Baleira atendendo o requirimento do Concello que advirte do seu “neglixente” estado, especialmente da LU-P-0401 por onde circula o bus escolar e que presenta numerosos buratos de grandes dimensións.
Igualmente, esixen que o goberno da Deputación que arranxe as deficiencias do paseo do Miño e acometa en tempo e forma os traballos de mantemento e conservación para garantir a seguridade dos usuarios ao mesmo tempo que se pon en valor un recurso natural como é o río Miño.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
