Ribadeo, 25 de xuño de 2026. Ribadeo mellora a iluminación da área recreativa de Santa Cruz. O investimento ascende a 50.000 euros.
O alcalde, Dani Vega, dixo que “seguimos xestionando orzamento para mellorar espazos naturais, recursos turísticos, como temos en Ribadeo. Un deles é o monte de Santa Cruz, algo que nos representa a todos os ribadenses, algo moi noso e que tiñamos a obriga de conservar. Cando chegamos ao goberno, puxémonos en contacto coa Comunidade de Montes e fixemos unha programación para ir investindo. Primeiro, fixemos un desmeste, eliminación de árbores e plantas invasoras, tiñamos que actuar de urxencia. Iso xa o fixemos e agora o que estamos facendo é conservar. Tamén realizamos melloras na área recreativa como toda a colocación dunha nova varanda de madeira como tamén a mellora de todo o miradoiro. Esta inversión foi certamente importante, pero o que estamos facendo agora é conservar todo o que fixemos hai un tempo”.
O rexedor subliñou que “agora xestionamos outro orzamento, outro convenio, para mellorar a iluminación de toda a área recreativa. Actuamos no miradoiro, xa que non había iluminación, como tamén na parte superior da área recreativa, na que tampouco existía iluminación, e tamén na área recreativa principal, onde está a cruz, o monumento ao gaiteiro feito por Faílde. Estes elementos arquitectónicos culturais que representan Ribadeo, tamén van ser iluminados. É a primeira vez que o monumento ao gaiteiro vai ter iluminación, o cal nos parece moi importante”.
Vega indicou que “estes 50.000 euros demostran claramente este traballo constante e continuo de busca do orzamento necesario para arranxar todos os espazos. Queda moito por facer, pero o importante é ter a clara vocación de traballo e xestión de convenios para investir e manter no tempo, iso quere dicir conservación de todos estes espazos, que é o importante tamén”.
O alcalde declarou: “felicitar á Comunidade de Montes por esta colaboración que estamos tendo tanto a esta dirección como á anterior directiva. Este traballo conxunto está dando froitos e queda moito por facer. Xa estamos xestionando tamén para arranxar os accesos, pero de forma programada son todo melloras nun espazo tan significativo, tan importante para todos os ribadenses e un dos mellores miradoiros que ten Galicia. A obriga do Concello era traballar, é traballar, coa Comunidade de Montes, xestionando orzamento e así mellorar espazos para que Ribadeo siga avanzando”.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
