Ribadeo, 28 de xuño, 2026. Ribadeo viviu este domingo unha xornada inesquecible coa celebración da Heroican Race 2026, que alcanzou a súa quinta edición e reuniu 500 participantes e centos de espectadores arredor dunha das probas de obstáculos máis espectaculares de Galicia.
O desafío xuntou arredor de 500 corredores, que tiveron que superar un percorrido de 10 quilómetros con preto de 30 obstáculos de gran esixencia. A cita desenvolveuse nun ambiente vibrante, con máis dun milleiro de asistentes gozando do espectáculo deportivo e do esforzo dos competidores.
A Heroican Race estivo organizada pola Asociación Gallaecia Extrem Race e o grupo de xestión deportiva BeOne, e contou co apoio indispensable de Ziva, ademais da Xunta de Galicia, o Concello de Ribadeo, Amix, Matrix, Fitness Project, Limasa, Captology, Zenowell, Pleniage, ACISA, I-NERXIA, 43N, Eciman e o Clúster Galego da Industria do Deporte, entre outros.
No plano competitivo, destacaron as actuacións dos gañadores: na categoría elite masculina impúxose Manuel Rúa, mentres que na elite feminina a vitoria foi para Jessica Velasco. Na categoría popular competitiva, os vencedores foron Carlos Suárez e Lidia López.
O acto de entrega de trofeos, coa participación do alcalde de Ribadeo, Daniel Vega, o CEO de BeOne, Roberto Ramos, e representantes dos patrocinadores, puxo o broche de ouro ao evento.
A Heroican Race forma parte da Liga Española AOCO (Asociación de Organizadores e Clubes de Obstáculos de España) e é xa un referente no calendario nacional, onde a superación persoal, o compañeirismo e a resistencia física se converten nos auténticos protagonistas.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
