Na túa tenda, na túa terra, na túa lingua. Doado, verdade? Se ti vas a unha tenda, na túa terra, o lóxico é que te atendan na túa lingua…
O certo é que o título sóame moi ben, a lema de anuncio. E que vai en liña co que penso en relación á miña lingua. Mais…
Mais as cousas son máis complicadas. Debe ser por iso que hai tendas como Decathlon, multinacional de matriz francesa, que nas súas tendas en Galicia permite nas máquinas de cobro automático o castelán (baixo a epígrafe de ‘español’), francés e inglés, pero non o galego. Ou bancos como o Santander que na súa web admite presentar as páxinas en castelán (de novo, ‘español’), inglés e catalán, pero non en galego. Ou webs como a de Eroski, que teñen a opción de propaganda en ‘galego’, pero que como te despistes, comezan a enviar ligazóns para páxinas supostamente en galego mais realmente en catalán (aínda que é posible que iso sexa só un ‘erro sistemático’.
A semana pasada mesmo unha empregada dun ‘Deca’ da capital galega, ó ver que eu tentaba manobrar para poñer a máquina correspondente en galego, sen ter esa opción, e poder ver a miña sorpresa, ofreceuse a falarme na nosa lingua, na que seguimos despois de ser interrogado de primeiras en castelán. Tamén pasa con certa frecuencia que aínda que a lingua poda elixirse, por defecto a opción é castelán, tendo que ir a unha páxina de opcións ou unha fiestra despregable para poder cambiala, sen poder facelo directamente na páxina de inicio. Si, as cousas son máis complicadas.
Por as mesmas razóns, calquera empregado descoñecido na nosa terra comezará a falarte en castelán, aínda que el ou ela fale (e ti tamén) en galego. E a tenda á que vas de compras non é ‘túa’: aínda que sexa ‘a túa tenda’, e raro é que actúe como túa cando o capital non é ‘teu’, e fala moitas veces en castelán. Aínda sendo ‘de capital galego’. Xa non digamos se é norteamericano, inglés, alemán… mesmo con algunha sorpresa favorable polo medio. Un exempo? Tendo nocións de inglés, a primeira vez que entrei nun ‘Zara Home’ ía a iso, á ‘sección de cabaleiro’ de Zara, e non á súa ‘sección de fogar’. Iluso de min, pensaba nunha ‘empresa de capital galego’!
Ó final, mesmo considerando o enunciado ampliado do título que fago na primeira liña, ‘a túa terra’ non é túa, nin parece ser ‘nosa’. E, xa postos: agora, quen defende a primacía do castelán en Galicia, pode comezar a dicir: ‘hablamos en castellano porque es la lengua de Galicia, de la mayoría de los gallegos’.
Non é a primeira vez que deixo unha nota nalgún buzón correspondente de suxerencias, queixas, etc, en relación á lingua. Non será a última. Por certo, sabes o que é unha lingua minorizada?
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
