Cervo, 2 de xullo, 2026. O Concello de Cervo impartiu unha acción formativa de reciclaxe e actualización no uso do desfibrilador externo semiautomático (DESA), dirixida ao persoal da Piscina Municipal, co obxectivo de reforzar a súa preparación para actuar con eficacia ante posibles situacións de emerxencia.
A alcaldesa, Dolores García Caramés, asistiu a unha das sesións prácticas para coñecer de primeira man o desenvolvemento do curso e salientar a importancia de contar con profesionais formados e permanentemente actualizados en primeiros auxilios e soporte vital básico. Subliñou que “a formación continua é fundamental para garantir unha resposta rápida e eficaz ante unha emerxencia sanitaria, especialmente en instalacións deportivas e de lecer que reciben cada día a persoas de diferentes idades”. Engadiu que “a capacidade de reacción nos primeiros minutos pode resultar determinante para salvar unha vida”.
O curso, homologado e adaptado ás recomendacións máis recentes en reanimación cardiopulmonar e desfibrilación, combina contidos teóricos e prácticos orientados a reforzar as competencias dos participantes no manexo do desfibrilador e na aplicación dos protocolos de actuación ante unha parada cardiorrespiratoria. A formación segue as últimas guías en soporte vital básico e desfibrilación externa semiautomática, e conta coa acreditación oficial da Sociedade Española de Medicina de Urxencias e Emerxencias (SEMES) e da Sociedade Española de Reanimación Cardiopulmonar (SERCP).
Desde o Concello de Cervo destacan que este tipo de iniciativas contribúen a mellorar a seguridade das instalacións municipais e a ofrecer un servizo de maior calidade á veciñanza, garantindo que o persoal dispoña dos coñecementos e habilidades necesarios para actuar con rapidez, seguridade e eficacia en situacións críticas.
Aposta pola cardioprotección en todo o municipio
Esta acción formativa enmárcase na aposta do Concello de Cervo por converter os seus edificios e instalacións municipais en espazos cardioprotexidos. Actualmente dispoñen de desfibriladores externos semiautomáticos na Casa do Concello, Casa da Cultura, nave municipal de obras, CEIP Península da Paz, IES Marqués de Sargadelos, Piscina Olímpica Municipal, Escola Infantil Municipal (Casa do Mar), campo de fútbol e pavillón da Veiga.
Ademais, o Concello conta cun DESA nun vehículo municipal para garantir unha resposta rápida en calquera punto do municipio e, durante a tempada de baño, outro dispositivo na praia do Torno. A esta rede súmanse os desfibriladores do Centro de Día, da Residencia de Maiores e o equipo propio do CEIP de Cervo.
O Goberno local continúa traballando para ampliar esta cobertura, co obxectivo de dotar tamén os locais sociais municipais de desfibriladores nos vindeiros meses, reforzando así a seguridade e a capacidade de resposta ante emerxencias en todo o termo municipa
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
