Ribadeo, 1 de xullo de 2026. Ribadeo contará con sillas anfibias e o servizo de acompañamento da Cruz Vermella para axudar a acceder ás praias ás persoas con mobilidade reducida. Ribadeo Accesible, un proxecto pioneiro en Galicia, foi presentado este mediodía nos Bloques pola conselleira de Política Social, Fabiola García, polo alcalde, Dani Vega, e pola concelleira de Benestar Social, Elena Sierra.
Fabiola García explicou que “anunciamos que por primeira vez aquí na Mariña Ribadeo vai contar cunha praia totalmente accesible, para nenos, para persoas maiores. É esta fantástica praia dos Bloques, algo que é posible grazas á colaboración de dúas administracións como son o Concello de Ribadeo e Xunta de Galicia, que ven de financiar con 15.000 euros este proxecto. Tamén lle hai que dar ás grazas á Cruz Vermella, unha entidade que é unha referencia en Galicia, en España e a nivel internacional por poñer a disposición todo o persoal que é necesario para que todas as persoas maiores ou nenos con discapacidade poida acceder a este real”.
A conselleira de Política Social subliñou que “Ribadeo é unha referencia en toda a comarca e en Galicia facendo que esta praia sexa accesible para todos”.
O alcalde, Dani Vega, tivo palabras de agradecemento para as Consellerías de Política Social e Emprego, implicadas neste proxecto, e para a Cruz Vermella: “agradecerlle á conselleira todo o traballo que está facendo por Ribadeo, que non se limita so a este proxecto, senón hai moitos máis que levan o nome e o apelido de Fabiola García. Ribadeo Accesible quere dicir praias para todos, as persoas que están na residencia e que non podía vir aquí van poder facelo. Ademais das sillas contaremos con persoal de Cruz Vermella que os axudará e estará ao seu carón cando veñan aquí. Este é un acordo institucional entre as Consellerías de Política Social e Emprego e o Concello de Ribadeo e é un traballo feito para as veciñas e os veciños de Ribadeo e para os visitantes”.
A concelleira de Benestar Social, Elena Sierra, dixo que “este es un gran paso para la inclusión. Estamos encantados porque se trata de un proyecto pionero”.
E pola súa banda, Sonia Fraga, coordinadora de Asembleas da Cruz Vermella na Mariña contou que “habrá 4 personas contratadas por Cruz Roja, son auxiliares de playa, para prestar ese apoyo de accesibilidad al baño, que es tan necesario y que hasta el día de hoy no se podía llevar a cabo en esta playa”.
Fabiola García pasou despois polo Concello de Ribadeo para asinar este acordo institucional con Dani Vega.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
