Viveiro, 2 de xullo, 2026. Pesca Saúde organiza este mes de xullo sete demostracións de cociña en vivo en prazas de abastos, mercados e locais sociais de sete vilas galegas. Estes showcookings, centrados no peixe e nos produtos do mar, comezarán ás 11:30 h e estarán conducidos por cociñeiros e cociñeiras de prestixio, que prepararán diferentes receitas para degustación do público.
Calendario de demostracións
Martes 7 de xullo – Sada
Casa da Cultura «Pintor Lloréns»
A Artesa da Moza Crecha
Mércores 8 – A Guarda
Praza de abastos
Restaurante O Cangrexal
Xoves 9 – Carballo
Mercado Municipal
Miguel Silvarredonda
Xoves 9 – Noia
Praza de abastos
A Casa do Tello e Rosalía
Martes 14 – Vilagarcía
Praza de abastos
Miguel Mosteiro
Mércores 15 – Bueu
Praza de abastos
Escola de cociña «Cousiñas»
Xoves 16 – Viveiro
Local da Asociación Recreativa Cultural O Valado
Ana Martínez Arruñada (Escola de Hostalería IES de Foz)
As persoas interesadas poden reservar praza en i.gal/showcooking.
Durante cada evento realizaranse sorteos de degustacións de produto pesqueiro entre as persoas que participen na campaña reunindo os seus tiques de compra e deposítandoos nos buzóns de Pesca Saúde.
Peixerías adheridas e vales de desconto
Máis de 100 peixerías da costa galega participan na campaña, aceptando vales de desconto de 5 € que se entregan aos asistentes aos eventos. Estes vales poderán empregarse ata o 31 de xullo.
Outras actividades: Come o mar, come saúde
O proxecto tamén inclúe accións dirixidas ao sector da hostalaría. A través da iniciativa Come o mar, come saúde, os restaurantes adheridos están a elaborar menús saudables con produtos pesqueiros locais e de tempada.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
