Lourenzá, 19 de agosto de 2026. Lourenzá converterase entre os días 20 e 26 de agosto nun punto de encontro para persoas interesadas na danza, o movemento e o contact improvisación coa celebración do X Festival Internacional de Contact Improvisación, unha proposta cultural que chega por primeira vez á localidade para achegar ao público unha disciplina baseada na improvisación, o contacto corporal, a escoita e o movemento compartido, anuncia a alcaldesa, Rocío López García.
O festival está organizado por Asturias Contact Festival e Almaiara Project, promovido pola Asociación Oficina Galega de Outros Asuntos do Movemento, de Marina Ural e Uxía Pedreira, e conta coa colaboración do Concello de Lourenzá. A cita reunirá participantes procedentes de diferentes puntos da xeografía española, entre eles Galicia, Valencia, León, Asturias, Valladolid, Madrid, Barcelona ou Euskadi, así como doutros países como Portugal, Francia, Alemaña, Holanda, Lituania ou Brasil. Durante unha semana desenvolverase un amplo programa de talleres, jam, encontros e actividades relacionadas co movemento e a danza improvisada.
A rexedora municipal explica que un dos obxectivos do festival é “abrirse á veciñanza e dar a coñecer esta disciplina ao público xeral, ofrecendo varias actividades de acceso libre ao longo da semana. A primeira oportunidade será o xoves 20 de agosto, ás 18:00 horas, no Multiusos de Lourenzá, cunha charla performativa e interactiva na que se explicará en que consiste o contact improvisación e como se desenvolve o festival. A actividade estará aberta a todas as persoas que queiran achegarse, coñecer a proposta e descubrir de primeira man esta forma de expresión a través do corpo e do movemento. A continuación terá lugar un jam, no que tamén será posible participar. Esta primeira xornada pretende ser unha porta de entrada ao festival: unha oportunidade para coñecer a actividade, experimentar e, para aquelas persoas que o desexen, informarse sobre a posibilidade de inscribirse e participar no resto do programa durante os días seguintes. Ademais están previstas outras actividades abertas ao público en diferentes espazos de Lourenzá, entre elas unha xornada no claustro o domingo 23 de agosto e unha actividade na Praza do Conde Santo o luns 24, ás 16:00 horas, dentro da programación do festival”.
Desde a organización e o Concello de Lourenzá faise un chamamento á veciñanza para que se achegue a estas propostas, “tanto para participar nelas como simplemente para coñecer e observar unha manifestación artística pouco habitual na contorna. A celebración deste festival supón unha oportunidade para achegar a Lourenzá novas formas de expresión cultural e de danza, favorecer o encontro entre persoas de procedencias diversas e abrir un espazo de intercambio entre participantes locais e internacionais. É unha oportunidade bonita para coñecer outro tipo de actividades culturais e de danza que nunca tivemos antes no noso pobo”, sinalan desde a organización, que anima a toda a veciñanza a “achegarse, experimentar e descubrir en que consiste o contact improvisación. Todas as persoas están convidadas a achegarse a Lourenzá do 20 ao 26 de agosto e formar parte, dunha maneira ou doutra, desta décima edición do Festival Internacional de Contact Improvisación”.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
