Viveiro, 7 de xaneiro de 2019. No día de hoxe tivo entrada no rexistro municipal un documento titulado “Manifesto pola rexeneración da ría de Viveiro”, asinado por vinte e nove colectivos, entre os que figuran asociacións, sindicatos, empresas e o partido politico impulsor do manifesto -o Bloque Nacionalista Galego-.
Neste manifesto, entre outras cuestións, acusase a este concello de pasividade e esixen, tanto á Xunta de Galicia como o Concello de Viveiro, “que se cumpran cos prazos de execución prometidos publicamente e comecen a executar as obras recollidas no convenio para mellorar o saneamento integral da ría e deixen de xogar coa saúdo, os postos de traballo e o futuro da veciñanza de Viveiro.”
Quero facer constar, en primeiro lugar, que entendemos e compartimos a preocupación do Bloque Nacionalista Galego pola ría de Viveiro, pero consideramos que antes de iniciar unha campaña para a recollida de sinaturas para este manifesto deberían preguntar ao propio concello as tramitacións realizadas ao respecto.
Ninguén pode acusar ao concello de pasividade, pois levamos anos denunciando esta
situación ante as administracións implicadas, realizando as xestións oportunas para axilizar os trámites e instando a execución do convenio referido á maior brevidade posible. Non entendemos que o Bloque Nacionalista Galego leve a cabo esta acción, cando foi o propio concello o primeiro en esixir das administración a súa actuación e os primeiros en denunciar publicamente esta situación.
Mantivemos reunións con Augas de Galicia e cos responsables de Costas, tanto en Lugo
como en Madrid, para coñecer de primeira man o estado da tramitación do expediente, que é complexo por estar implicadas tres administracións distintas. No Concello de Viveiro fixemos todo o que tiñamos que facer e, ademais, realizamos as xestións necesarias para conseguir que fose a Xunta de Galicia a encargada de retirar o antigo emisario (Costas esixe a súa retirada e, inicialmente, Augas de Galicia encomendou esta obra ao concello; este administración carece de medios para retirar o vello emisario e, grazas ás xestións realizadas, será retirado por Augas de Galicia). Neste momento, o expediente para a rexeneración da ría de Viveiro está novamente en tramitación, grazas ás incesantes xestións do goberno municipal.
Dende este equipo de goberno apoiamos calquera reivindicación que supoña unha mellora
para o Concello de Viveiro, pero lamentamos que este manifesto e a recollida de sinaturas se realizase sen ter coñecemento real da situación, sen preguntar e con intención de terxiversar a realidade, acusando ao concello de pasividade e instándoo a execución dunhas obras que non nos corresponden. Este concello sempre informou á veciñanza das xestións que vimos realizando tanto neste como noutros asuntos de interese municipal, explicando o contido das reunións, dos escritos remitido e das xestións realizadas, polo que deben os propios veciños os que valoren e xulguen se detrais deste manifesto hai unha preocupación real ou intereses partidistas.
A Alcaldesa-Presidenta,
María Loureiro García
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
