Foz 11-01-2019.- Nunha reunión celebrada a pasada semana, entre os socialistas e os empresarios asentados no polígono industrial de Foz saíron a relucir unha serie de deficiencias observadas na área industrial, tanto en mantemento básico, limpeza e rozas como en iluminación, sinalización, reparación de calzadas, seguridade ou en sistemas de comunicación.
Coinciden socialistas e empresarios en que a nova autovía e o enlace proxectado xogará un papel fundamental na posta en valor do polígono. Coincidindo tamén na importancia de dotar de servizos que supoñan un valor engadido á área empresarial, tales como: fomentar medidas de eficiencia enerxética ou implantar fibra óptica, algo fundamental para a industria nos tempos actuais.
“A implicación municipal na excelencia e modernización do polígono industrial é algo fundamental que está a ser desatendido polo actual alcalde” – considera Fran Cajoto- “Débense dar facilidades ás empresas xa instaladas e crear sinerxias para fomentar o emprendemento e que se instalen outras novas. O estado de abandono e as carencias do polígono na actualidade, fano pouco atractivo para a implantación de novas empresas tan necesarias para mellorar a calidade de vida os cidadáns e conseguir que os mozos non se vexan obrigados a buscarse a vida fóra da localidade, xerando postos de emprego que axuden a fixar poboación, non podemos permitirnos o luxo de perder empresas tan importantes como Frutas Morriña, que tiña a intención declarada de permanecer en Foz.”. – opina o candidato socialista
“Co fin de evitar esas carencias e converter o polígono industrial de Foz nunha infraestrutura de referencia e mellor dotada, desde o PSOE instamos o alcalde de Foz a buscar e acollerse a axudas ofrecidas por outras administracións, como as que ofrece a Xunta nestas fechas, para a promoción e modernización da área empresarial”. -remata Fran Cajoto
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
