Ribadeo, 15 de xaneiro de 2019. O candidato do Partido Popular á alcaldía de Ribadeo, Daniel Vega, critica que o alcalde, Fernando Suárez, non fai o que esixe aos propietarios particulares de casas e parcelas, porque hai inmobles de titularidade municipal que están completamente abandonados.
O alcaldable popular explicou que “destinar recursos para os cascos históricos, concretamente da vila ribadense, eu creo que é un traballo correcto, e a Xunta de Galicia investiu no casco de Ribadeo máis de medio millón de euros, para restaurar e conservar moitas das casas que están no conxunto histórico. Hai un orzamento público de todos que ten un destino, que ten un fin concreto, que é o casco histórico de Ribadeo. E a Xunta de Galicia vai seguir investindo no casco histórico ribadense”.
Danie Vega denuncia que “o goberno municipal non fai o traballo. Obriga á propiedade privada o que non el fai na titularidade municipal. As casas que son do Concello están nun completo abandono, non se toman medidas, pero obriga á titularidade privada o que el non fai na súa propiedade”.
Vega engade que “as fincas municipais que se encontran na vila ribadense ou no rural están completamente abandonadas e tampouco as conserva. Fincas que tiña que estar limpando o Concello non o fai e sen embargo obriga á titularidade privada, é dicir a todos os veciños, a limpar as súas fincas”.
O candidato do PP á alcaldía ribadense critica tamén que “os carteis na vila ribadense péganse totalmente ao libre albedrío, non hai un traballo ben realizado por parte do alcalde e do goberno municipal, cando hai unha normativa que di claramente o que hai que facer no tocante a pegar os carteis. Polo tanto por que non se cumpre esa normativa. Nós dicimos que hai que ter uns puntos concretos para pegar os carteis, non podemos velos pegados en calquera sitio porque iso tamén dana a imaxe dun pobo turístico como é Ribadeo. Polo tanto o cumprimento da lei é para todos, tamén para o goberno municipal. Hai que empezar por dar exemplo e logo esixir os veciños e veciñas. Este é o alcalde que temos”.
O PP critica ao Alcalde de Ribadeo porque hai inmobles municipais totalmente abandonados mentres obriga aos veciños a adecentar as propiedades privadas
Relacionado
-
Ameijide denuncia convenios “a dedo” e fondos “teledirixidos” a concellos do PSOE e BNG
-
Carmela López fai balance de sete meses de xestión: preto de 11M€ activados en mobilidade e case 5M€ en convenios con concellos
-
A Xunta apoia a campaña ‘Saborear o cerco con peixe de Acerga’ para poñer en valor a diversidade e calidade dos produtos da frota galega
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
