Lugo, 29 de xaneiro de 2019.- Só no ano 2018 a Xunta de Galicia investiu seis millóns de euros para apoiar e financiar os servizos de emerxencia da provincia de Lugo. Esta achega converte á administración autonómica na que maior esforzo inversor realiza nesta materia.
Así o explicou en rolda de prensa, a modo de balance, o delegado territorial da Xunta en Lugo, José Manuel Balseiro, quen aclarou que o Goberno galego realiza este esforzo económico pensando en garantir o bo funcionamento do servizo, e a pesar de non ser o titular directo desta competencia, xa que corresponde aos concellos de máis de 20.000 habitantes e, nos máis pequenos, ás deputacións.
As achegas distribúense principalmente para o sostemento de tres servizos: o Consorcio Provincial Contraincendios e de Salvamento (titular dos parques comarcais de bombeiros), os Grupos de Emerxencia Supramunicipais (GES), o sostemento das agrupacións de voluntarios de Protección Civil e, finalmente, o mantemento das brigadas municipais de emerxencias.
Parques comarcais de bombeiros
Durante 2018, na provincia de Lugo, a Xunta achegou 2,4 millóns de euros para financiar o 50% do custe de sostemento dos seis parques comarcais da provincia, emprazados na localidade de Monforte, Chantada, Sarria, Barreiros, Vilalba e Viveiro.
Balseiro lembrou que neste momento hai unha oferta en firme para comarcalizar tamén o da capital (Lugo cidade) de tal xeito que daría servizo como parque de primeira resposta a 120.000 persoas (ademais da capital, atendería á veciñanza doutros seis concellos limítrofes os Castro de Rei, O Corgo, Friol, Guntín, Outeiro de Rei e Rábade) e que suporía unha achega estimada en 600.000 euros, que se repartirían nun 50% entre Concello e Deputación.
Grupos de Emerxencias Supramunicipais (GES)
A Xunta tamén financia, con 1,2 millóns de euros, a operatividade dos Grupos de Emerxencias Supramunicipais (GES), compostos por 12 efectivos. Durante 2018 a provincia de Lugo contou con seis GES operativos con base en Cervo, Pontenova, Quiroga-Folgoso, Becerreá, Monterroso e Guitiriz.
“Acabamos de asinar, xunto coa Fegamp, un novo convenio que garante a continuidade dos GES ata mínimo o 2021. O novo convenio mellora o seu financiamento (que será de 280.000 euros cada un) e aclara a distribución de funcións”-explicou Balseiro. Ademais, como consecuencia deste convenio, a Xunta convértese na administración que maior apoio ofrece neste servizo, xa que achegará o 52,5%, namentres que a Deputación de Lugo achegará o 40% e os concellos o 7,5% do custe total.
Balseiro tamén aclarou que o Goberno galego mantén conversas cos concellos que formaban parte da área de operatividade dos GES de Guitiriz e da Fonsagrada, que renunciaron a este servizo, para determinar o emprazamento da nova sede operativa destes grupos. “Conversas que agardamos pechar nas próximas datas e nas que atopamos boa receptividade. Con todo eses concellos están cubertos polos parques comarcais de bombeiros e os integrantes de protección civil”
Protección Civil
Outras das achegas relevantes da Xunta vai dirixida ao sostemento das agrupacións de Protección Civil que na nosa provincia son 43 e reúnen a máis de 2.170 voluntarios, ademais do persoal permanente.
Para este fin o Goberno galego destina preto de 580.000 euros, entre achegas para o funcionamento das agrupacións, mellora de equipamentos, convenios de formación e de apoio á federación provincial ou achegas extraordinarias como as destinadas a evitar riscos nos concellos polos que transcorre o Camiño Francés (Monterroso, Palas de Rei, Portomarín e Sarria)
Só en 2018, en materia de mellora dos equipamentos, a Xunta equipou a estes servizos con catro novos vehículos pick-up (todoterreo), catro remolques con material de emerxencia, 48 desfibriladores, tres pértegas, un traxe antivelutina, tres furgóns GES e unha moto de auga.
Brigadas municipais
Finalmente a Xunta tamén financia as brigadas municipais contra incendios que están operativas os tres meses de verán. Para este fin o Goberno galego destina 1,9 millóns de euros, que posibilitou a posta en marcha de 74 brigadas, en 65 concellos lucenses e permitiu crear 360 empregos.
Con todo, a cifra dos apoios sería moito maior porque resta por incluír servizos que, aínda que teñen base operativa na nosa provincia, contan cun ámbito de actuación que supera as nosas fronteiras: son as propias brigadas contra o lume emprazadas nos distritos forestais, os medios da Axencia Galega de Emerxencias (112) ou o Servizo de Gardacostas de Galicia (en especial o helicóptero Pesca 2, con base en Celeiro)
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
