Lugo, 30 de xaneiro de 2019. A subdelegada do Goberno, Isabel Rodríguez, informou hoxe da importante aportación que fan os Presupostos Xerais do Estado para 2019 á mellora da calidade de vida dos mariñáns, que sintetizou no feito de que “estes Orzamentos van beneficiar a máis de 25.000 persoas da comarca que viven dunha pensión”. Ademais do seu marcado carácter social, os Orzamentos do Estado para 2019 reservan máis de 9,5 millóns de euros para investimentos directos nos concellos da Mariña.
Estes datos son proba, explicou a subdelegada que “e que o Goberno aposta con estes Presupostos pola Mariña e por Lugo, xa que o investimento real en obra pública no conxunto da provincia aumenta este ano un 18,24% respecto do previsto nos Presupostos do ano pasado, ata alcanzar a cifra de 71,2 millóns de euros, nunhas contas que teñen como principal obxectivo atender ás persoas máis vulnerables, que foron as que resultaron máis castigadas polos recortes dos gobernos do PP”.
“O Goberno implícase na recuperación do Estado do Benestar e faino sen desatender as obras que modernizarán a Mariña e o conxunto da provincia e mellorarán a calidade de vida dos mariñáns e o resto dos lucenses”, aclarou a subdelegada. De feito, “nas contas do Estado para 2019, o Goberno dálle prioridade a colectivos como os pensionistas, os desempregados, ás mulleres maltratadas ou aos mozos que precisan dunha bolsa para poder estudar, que foron vítimas das políticas regresivas dos gobernos do PP”.
Isabel Rodríguez detallou que a revalorización das pensións beneficiará a na Mariña a 25.004 veciños residentes nos distintos concellos desta comarca. Os pensionistas tamén se beneficiarán da supresión progresiva do copago farmacéutico. Do mesmo xeito, os Presupostos do Estado para 2019 aumentan a 30,5 millóns de euros as partidas para becas para chegar a 52.426 estudantes. A recuperación do subsidio de desemprego para maiores de 52 anos supón un investimento de 15,1 millóns para chegar a 5.343 galegos e galegas. E, ademais, 61 concellos da provincia de Lugo poderanse adherir ao programa para facerlle fronte ao reto demográfico que conta con 80 millóns de euros para concellos con menos de 10.000 habitantes.
9,5 MILLÓNS EN OBRAS
Estas importantes medidas sociais refórzanse cos investimentos que levará a cabo o Goberno para mellorar as comunicacións e a calidade de vida dos veciños da comarca. Así, a subdelegada detallou que a Mariña beneficiarase dun investimento directo en obra pública na comarca de 9.572.490 millóns de euros, para obras que se executarán nos distintos concellos mariñáns.
A partida de maior cuantía, 5 millóns de euros, está destinada ao sistema de protección antinéboa da A-8 entre Mondoñedo e A Xesta. A N-642 dedícanse 2.280.620 euros para a rehabilitación de firme. Para a autovía da Mariña, A-74, nos Orzamentos inclúense tres partidas que suman máis de 1,8 millóns de euros, dos que 1,2 millóns son para o treito Burela-San Cibrao, 446.000 para o de Foz a Burela e 100.000 para Barreiros-Foz.
O ministerio de Fomento tamén ten prevista, en Mondoñedo unha actuación, dentro do programa de rehabilitación arquitectónica para o acondicionamento dunha parcela para aparcamento na Travesía Casas Novas, ao que os Presupostos de 2019 dedican unha partida de 15.450 euros. Outros programas de Fomento son para axudas á rehabilitación de vivenda ou subvencións ao transporte.
Pola súa parte, o ministerio de Transición Ecolóxica reserva unha partida de 430.000 euros para actuacións na costa da Mariña.
A estes investimentos hai que engadir outras partidas programadas para actuacións que se levarán a cabo no conxunto da provincia ata acadar a cifra total de 71.224.690 euros. Así, o investimento real en estradas da provincia é de 43,45 millóns de euros. O Presuposto inclúe partidas para as autovías A-54, A-56, A-74 e A-76, ademais de 26 millóns de euros para a conservación de estradas, así como 9,4 millóns para adecuación dos túneles ao RD 635/2006 sobre seguridade e os 5 millóns de euros para medios antinéboa na A-8. Ademais, nos Presupostos para a provincia destaca o aumento nun 96,1% do investimento na modernización do ferrocarril, que pasa dos 8,8 millóns de 2018 aos 17,4 neste ano. Os investimentos máis relevantes de Adif son os 8,8 millóns de euros para a renovación de variantes da liña Monforte-Lugo e os 5,1 millóns para a electrificación da liña Monforte- Lugo.
PRINCIPAIS INVESTIMENTOS DE FOMENTO NA PROVINCIA
Confederación Hidrográfica Miño-Sil (Lugo, Ourense e Pontevedra)
15.380.000
Adecuación de túneles de estradas de Lugo al RD 635/2006 sobre seguridade
9.435.740
Renovación Variantes liña Monforte Lugo (Adif)
8.800.000
A-54. Tramo Vilamoure-Nadela e conexión con Lugo
5.813.280
Electrificación liña Monforte Lugo (Adif)
5.100.000
A-8. Sistema de protección antinéboa na Xesta
5.000.000
A-56. A Barrela (Lugo)-San Martiño (Ourense)
3.370.000
A-54. Melide (A Coruña)-Palas de Rei (Lugo)
3.251.270
N-642. Rehabilitación do firme
2.280.620
RENFE
2.171.000
A-74. Burela-San Cibrao
1.299.510
SEPI
1.258.000
Intervención no Camino Francés en concellos de Lugo
1.200.000
A-74. Foz-Burela
446.910
A-76. Circunvalación de Monforte
422.290
Actuacións de Costas
430.000
Conservación e restauración Mosteiro San Vicente do Pino (Monforte)
400.000
Actuacións en instalacións de seguridade ferroviaria
338.000
Estacións de ferrocarril
318.000
Actuacións en infraestruturas ferroviarias
268.000
N-547. Melloras dos cruces dos Camiños de Santiago
200.000
N-540. Rehabilitación do firme
200.000
L.A.V. Ourense-Lugo
160.000
Consolidación estrutural da Muralla de Lugo
150.646
A-54. Narón-Guntín e intercambiador Guntín
150.000
Rehabilitación Pazo Xeneral Paredes. Portomarín
150.000
Protección de pasos entre andéns ferroviarios
145.000
Inversións transversais ferroviarias
126.000
Obras da Garda Civil
100.000
N-VI. Mellora seguridade en glorieta Outeiro de Rei
100.000
A-74. Barreiros-Foz
100.000
Centro Tecnolóxico Agroalimentario de Lugo (CETAL)
90.000
A-8. Guitiriz-Lavacolla
50.000
A-56. Lugo-Ourense
20.000
Aparcamento en Mondoñedo
15.450
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
