Santiago, 30 de xaneiro de 2019.- A portavoz de Emigración do Grupo Popular, Raquel Arias, defendeu hoxe no Parlamento que a Xunta “continúe respaldando aos socios do Centro Galego de Bos Aires para acadar a mellor solución aos problemas que están a sufrir a entidade, intensificando o contacto coas autoridades arxentinas competencias en materia sanitaria, social ou cultural, asegurando a asistencia sanitaria aos socios; e ofrecendo toda a colaboración para garantir a protección do patrimonio cultural, artístico e bibliográfico desta entidade, incluída a habitación de Castelao.
Raquel Arias cualificou hoxe de “inviable” a proposición non de lei do Grupo do BNG sobre o Centro Galego de Bos Aires, por “estar chea de erros, de falsidades e de imposibles”. Deste xeito, criticou que os nacionalistas rexeitaran a emenda do Grupo Popular “demostrando o seu desinterese absoluto polos galegos da Arxentina, máis alá de xustificar a última viaxe da súa voceira ao país”.
“O máis preocupante é que os nacionalistas queren tomar decisións sobre uns bens privados, propiedade dos socios do centro, tamén privado, e que se atopa nun país estranxeiro e soberano”, manifestou a deputada popular. Neste sentido, apuntou que “todos os acordos que se adopten teñen que ser moi respectuosos coa vontade dos seus donos e do Goberno arxentino, algo que a señora Pontón tampouco aprendeu na súa viaxe a Bos Aires”.
A deputada popular explicou que a traxectoria do Centro Galego de Bos Aires dependeu, dende a súa creación, dos acordos dos socios. “Eles pediron axuda á Xunta no 2003 para xestionar o hospital, para o que se creou a Fundación Galicia Saúde, participada ao 50% pola Xunta; e os socios foron os que decidiron no 2011 desvincularse da fundación e rachar as relacións con Ospaña e tamén os que no 2012 pediron libremente a intervención do Goberno de Kirchner”, explicou. Por este sentido, sentenciou que “a Xunta acata, non impón”.
ASISTENCIA SANITARIA
Raquel Arias destacou que todos os galegos residentes na Arxentina teñen garantida a atención sanitaria, ben a través do sistema público universal ou dos mecanismos fixados polo Estado coa colaboración da Xunta.
Así, a deputada amosouse sorprendida de que os nacionalistas lle pidan ao Goberno galego un plan de viabilidade para rescatar “o hospital do centro con cartos de todos os galegos e galegas”, que acumula unha débeda estimada de 70 millóns de dólares provocada pola xestión do Goberno arxentino, “para prestar atención sanitaria privada a menos de mil galegos dos 170.000 que viven alí”. “É curioso que agora o BNG defenda a sanidade privada”, dixo.
Do mesmo xeito, para Arias resulta “incomprensible” que os nacionalistas pidan a restitución do Centro Galego como entidade integrada en Ospaña. Así, explicou que “se trata de dúas entidades privadas con personalidade xurídica propia, o Centro Galego é unha mutual e Ospaña é unha obra social, que se poden relacionar mediante convenios pero non pode entrar a formar parte a unha da outra”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.