Lourenzá, 4 de febreiro de 2019. Viarios municipais das catro parroquias do concello de Lourenzá están sendo mellorados con maquinaria do parque provincial da Deputación de Lugo. As obras foron supervisadas pola alcaldesa, Rocío López, e os concelleiros Mercedes Dengra e Mario Leitón.
A rexedora municipal explicou que “nestes últimos meses as máquinas do parque provincial da Deputación de Lugo realizaron traballos de limpeza en varios viarios do concello de Lourenzá, en total actuouse en máis de 40 quilómetros de redes municipais. Leváronse a cabo tarefas de limpeza de cunetas e de vías en moitas estradas das distintas parroquias; intentamos ver aquelas que se atopaban en peores circunstancias e presentaban un peor estado de conservación, fomos establecendo unha prioridade e así actuamos nos distintos barrios do concello das catro parroquias”.
Rocío López engadiu que “a principios do pasado mes de xaneiro empezáronse os labores de rego e de asfaltado, tamén con máquinas do parque provincial, e está previsto arranxar varios viarios nas distintas parroquias e barrios do concello para ir así mellorando a calidade das nosas infraestruturas e mellorando con iso a calidade de vida dos nosos veciños, sobre todo rural. Este é un dos principais obxectivos que se fixou este equipo de goberno no ano 2015, cando entramos a gobernar. E penso que estamos conseguindo esa mellora da situación na que se atopaba o rural aquí, en Lourenzá”.
Melloran viarios municipais das catro parroquias de Lourenzá con maquinaria do parque provincial da Deputación. As obras foron supervisadas pola alcaldesa e os concelleiros Mercedes Dengra e Mario Leitón
Relacionado
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
