Burela 9-2-19. O Pescados Rubén Burela FS fixo esta tarde os deberes fronte ao pechacancelas de Segunda LNFS, Dimurol Tenerife. O conxunto mariñán recuperou as boas sensacións e a vitoria nas illas con 2-4. A derrota de Real Betis na visita de Santiago Futsal (1-2) a terras andaluzas concédelles aos de Juanma Marrube o liderado en solitario de novo, con 45 puntos.
O encontro comezou con dominio burelista e acerto goleador tinerfeño. Os locais adiantáronse no electrónico no minuto 7, nun saque de banda que tocou na defensa e despistou a Imanol, con firma de Kevin Yanes. Con todo, reaccionou rapidamente o conxunto de Juanma Marrube coa igualada de Iago Míguez. Renato, no 10, dispuxo dunha gran ocasión para adiantar aos galegos ante o obstáculo do meta tinerfeño. Intentárono no 13 Iago Míguez e Luisma sen éxito pero si o conseguiu o sempre máxico Matamoros, de falta, dous minutos despois.
No 23, Luisma ampliou a vantaxe, nun lanzamento raso axustado ao pau desde os 12 metros. Joselito, pouco despois, tivo o cuarto nas súas zapatillas fronte a Yeray. Pope, tras saque de falta, tampouco tivo a fortuna do seu lado, no 28. As mellores ocasións do Dimurol protagonizounas Yeray Alcaraz no 29 e 30. Con Yeray como porteiro xogador os locais puideron ter un pouco máis de vida. O meta insular volveu estar acertado, superado o ecuador do segundo acto, ante o potente disparo de Mata. Continuou co asedio Iago Míguez en rápido contragolpe, pero atopou o pau. Volveu saír o Dimurol con xogo de cinco e a falta de pouco máis de dous minutos e medio para o final Sergio reduciu, co 2-3. Na recta final os locais acumularon as cinco faltas e Matamoros sentenciou o partido co definitivo 2-4, de penalti.
O gran duelo, en Vista Alegre
O vindeiro sábado, 16 de febreiro, Vista Alegre será testemuña do gran duelo da tempada, coa visita do Real Betis Futsal (17.00 horas). Os de Daniel Ibañes recalarán na Bomboneira, na segunda praza e empatados a 42 puntos con Manzanares.
Ficha técnica
Dimurol Tenerife: Yeray Oliveros, Jean Pierre, Kevin Yanes, Ayose, Vélez, cinco inicial; tamén xogaron Manu, Sergio, Yeray Alcaraz
Pescados Rubén Burela FS: Imanol, Lucho, Luisma, Pope, Vargas, cinco inicial; tamén xogaron Iago Míguez, Joselito, Juanfran, Renato, Matamoros, Porto
Goles: 1-0, minuto 7, Kevin Yanes; 1-1, minuto 7, Iago Míguez; 1-2, minuto 15, Matamoros; 1-3, minuto 23, Luisma; 2-3, minuto 38, Sergio; 2-4, minuto 40, Matamoros
Árbitros: Carrión Álvarez // Romero Candela. Por Tenerife amarela para Kevin Yanes, Ayose, Yeray. Por Burela amarela para Renato
Incidencias: Partido correspondente á xornada 20 de Segunda LNFS disputado no pavillón Quiquirá
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
