Burela, 12 de febreiro de 2019. O vindeiro venres, 15 de febreiro, remata en Burela o programa de educación afectivo-sexual para rapaces e rapazas da ESO, que se veu impartindo nos centros de ensino desde o pasado mes de xaneiro.
A concelleira de Inmigración e Cooperación, Angélica Gómez, explica que “dende o Concello de Burela, concretamente dende a Concellería de
Inmigración e Cooperación, poxemos en marcha hai unhas semanas un programa de educación afectivo-sexual para os rapaces e rapazas de 14 a 16 da ESO”.
A edil burelesa dixo que “a necesidade da implementación deste proxecto xurde das inquedanzas manifestadas polos profesionais da educación dos centros de ensino secundario que coñecen de primeira man a realidade dos mozos e mozas e detectan a necesidade de desenvolver un programa de formación
afectivo-sexual dun xeito axeitado á súa idade, proporcionando formación
e información rigorosa, veraz e especializada por unha profesional de
recoñecido prestixio como é a psicóloga e sexóloga Raquel Graña, creadora
do programa de educación afectivo-sexual COÑéCETE para primaria e
secundaria”.
Angélica Gómez engadiu que “na sociedade actual na que, desafortunadamente, temos que enfrontarnos a temas tan complexos como a violencia de xénero, parécenos necesario abordar dende unha perspectiva integral a formación afectivo-sexual. Neste mesmo senso o programa aborda cuestións como a identificación dos estereotipos e crenzas sobre a sexualidade, os mitos do amor romántico, así como a influencia dos medios de comunicación sobre a imaxe corporal a xestión dos celos, así como a detección do abuso e o
control da parella.As clases tamén abordan métodos e estratexias para previr embarazos non desexados e enfermidades de transmisión xenital, e ofrecen consellos sobre hábitos de hixiene e autocoidado”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
