Lugo, 12 de febreiro, 2019.- O Grupo Provincial Popular desvela que o PSOE vén de colocar á ex deputada provincial e ex primeira tenente alcalde en Lugo, Sonia Méndez, nunha praza na Deputación. Os populares cren que esta contratación supón, unha vez máis, darlle continuidade á axencia de colocación de amigos que tiña Besteiro e que Campos está a perpetuar.
Así, se onte era noticia o secretario de organización do PSOE de Lugo polo incremento do seu salario na Deputación a través dun proceso “a dedo”, hoxe os populares denuncian que a que foi a man dereita de Orozco no Concello e deputada provincial con Besteiro se suma ao persoal da Deputación de Lugo como técnica de administración xeral con data de un de febreiro de 2019.
Terá vantaxe para optar á praza fixa
Os populares sospeitan que o PSOE realizou este proceso selectivo para creación de listas de interinos baixo unha apariencia de legalidade, cando o que buscan é meter xente pola porta de atrás. Curiosamente só mediaron seis días desde que se publicou a lista de admitidos e excluídos ata a realización da primeira proba do proceso selectivo. Así, dos 22 admitidos só 8 foron á proba inicial, quedando Sonia Méndez no cuarto lugar.
Agora chámana para unha praza que está vacante, curiosamente para o Grupo A1, o máis alto da administración xeral, e estará contratada, en principio, ata que se cubra por un funcionario, de maneira que se sacan a praza a concurso-oposición ela terá vantaxe para optar a esta praza fixa.
O decreto asinado pola Presidencia resolve que se nomea a Sonia Méndez “como persoal funcionario interino pola circunstancia de existencia de praza vacante cando non sexa posible a súa cobertura por funcionarios de carreira ao obxecto de prestar servizos de carácter temporal, como técnica de administración xeral, adscrita ao servizo de contratación e fomento da Deputación Provincial de Lugo”.
Precisan ademais que “a formalización do devandito nomeamento, que terá efectividade de data 01/02/2019, terá vixencia ata a cobertura definitiva da praza vacante nº 950 ou ben ata que se decida a súa amortización ou deixe de ser necesaria a súa cobertura provisional; realizándose por escrito e de conformidade co disposto na vixente normativa aplicable”.
Os populares lamentan que o PSOE na Deputación manteña este tipo de prácticas fraudulentas e denuncia a intención dos socialistas de manter as súas estruturas de poder pagando salarios con recursos públicos a cargos políticos, un exemplo claro de “enchufismo”.
Práctica reincidente
Dáse a circunstancia de que Sonia Méndez xa fora contratada como técnica de administración xeral durante os meses de xullo a decembro de 2018 para cubrir unha baixa de maternidade na Deputación de Lugo e agora, só un mes despois, Darío Campos volve colocala nesta ocasión “ata a cobertura definitiva da praza”.
Nomeamento ilegal
En canto ás explicacións dadas polo Goberno Provincial sobre o incremento de salario do traballador que é tamén secretario de organización do PSOE en Lugo, os populares sosteñen que é un nomeamento ilegal, xa que nomean a un laboral temporal para un posto de funcionario, así consta na RPT, cando hai media ducia de capataces con praza de funcionarios de carreira e outros tantos capataces funcionarios interinos aos que lles correspondería ocupar este posto no caso de que efectivamente fose necesario facer o nomeamento.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
