Ribadeo, 13 de febreiro de 2019. A Asociación de Profesores de Automoción de Galicia (APAGA) organiza este sábado, 16 de febreiro, un novo curso que se desenvolverá nas instalacións do hotel O Cabazo, en Ribadeo, sobre a tecnoloxía do hidróxeno aplicada ao vehículo. Terá unha duración de 8 horas e será impartido por persoal do Centro Nacional do Hidróxeno. O presidente de APAGA, Álvaro Doural, móstrase satisfeito coa acollida que están a ter as actividades formativas que se desenvolven nas fins de semana.
Doural explicou que “o curso desta fin de semana vai estar centrado en todo o tema da tecnoloxía do hidróxeno, en relación aos vehículos e as súas aplicacións. Neste momento é outra posibilidade máis, a parte das baterías de litio hai esta posibilidade que nalgúns países, como Alemania, están tendo moita forza e algunhas empresas están apostando por esta tecnoloxía. Imos ter un curso de oito horas que vai ser impartido polo Centro Nacional de Hidróxeno de España e, como sempre, está destinado para técnicos de empresa, profesores, alumnos de FP, estudantes universitarios e tamén para xente afeccionada ao tema do automóbil”.
O presidente de APAGA declarou que “estamos nunha liña, creo que importante de dar a coñecer toda a nova tecnoloxía que se está movendo arredor do automóbil neste momento. Creo que hai unha parte ao mellor descoñecida, estanse coñecendo máis as medidas por exemplo que está tomando o Concello de Madrid e algún máis en relación ao corte do paso de determinados vehículos, pero penso que o gran descoñecido segue sendo todas as posibilidades que actualmente hai no mundo da industria e o que os fabricantes están intentado poñer en marcha para mirar que o tema de sostenibilidade e medio ambiente teña a forza que todos queremos. Neste momento estase tirando cara a determinadas tecnoloxías que están funcionando, que están aí. Pensar que isto vai ser dentro de vinte ou trinta anos debemos esquecelo, realmente o vehículo eléctrico con pila de hidróxeno está aí e vai chegar ás nosas cidades, aos nosos talleres e aos nosos centros educativos”.
Álvaro Doural engadiu que “nesta nova fin de semana tecnolóxica mantemos o número de 15 prazas, penso que é un número axeitado para que a actividade non se desvirtúe e que todo o mundo poida participar. Neste momento está funcionando moi ben. Custou arrancar, pero neste momento a formación nas fins de semana está en marcha”.
APAGA organiza unha nova fin de semana tecnolóxica. Será o 16 de febreiro en Ribadeo e abordará a tecnoloxía do hidróxeno nos vehículos
Relacionado
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
